Elektrokardiogramm
 |
Dësen Artikel gehéiert zur Serie vun de Medezin-Artikelen. Dës Informatioune sinn zur allgemenger Weiderbildung geduecht, mä ersetzen op kee Fall en Dokter oder Apdikter! Och d'Éischt Hëllef-Rotschléi kënnen op kee Fall mat engem richtegen Éischt-Hëllef-Cours gläichgesat ginn! |
En Elektrokardiogramm, kuerz EKG (Electro, Cardio -> Häerz), ass en Apparat, mat deem een d'Häerzaktivitéit a Kurven ëmwandele ka fir eng einfach Auswäertung vun der Häerzfunktioun ze erméiglegen.
[änneren] Wéi fonktionéiert en EKG?
En EKG gëtt iwwer sougenannten Elektrode mam Kierper verbonnen. Dat si kleng déck Stickere mat enger Metallplack drun. Uewen ass e Kontakt, un deen eng Ofleedung, de Kabel vum EKG, bei de Patient geluecht gëtt. D'Häerz ass e Muskel. Beweegunge vun engem Muskel ginn ausgeléist vu klengen elektreschen Impulser. En EKG ass u sech en extrem emfindleche Spannungsmiesser. All Zuckung vun all Häerzkummer léist duerfir en Ausschlag um EKG aus. Fréier gouf dës direkt iwwert eng Nol op Pobeier geschriwwen, haut gesäit een d'Well op engem Ecran. Well awer vill Doktere léiwer eppes an der Hand hunn, huet all normalen EKG d'Méiglegkeet, fir d'Resultater auszedrécken. Den EKG schreift duerbäi op spezielle Millimeterpabeier, sou datt sech einfach (wann een et kann) Anomalië fanne loossen, déi een net géif um Bildschierm gesinn.
[änneren] Spawecklinks
| Commons: ECG – Biller, Videoen oder Audiodateien |
