Elfriede Brüning

Elfriede Brüning
Pseudonym	Elke Klent
Gebuer	8. November 1910 Berlin
Gestuerwen	5. August 2014 Berlin
Nationalitéit	Däitschland, Däitsch Demokratesch Republik
Aktivitéit	Schrëftsteller, Journalist, Dréibuchauteur
Partei	Sozialistische Einheitspartei Deutschlands, Die Linke, Partei des Demokratischen Sozialismus

D'Elfriede Brüning (Pseudonym: Elke Klent), gebuer den 8. November 1910 zu Berlin an och do de 5. August 2014 gestuerwen, war eng däitsch Schrëftstellerin.

Si huet an den 1920er Joren ugefaangen an diversen Zeitunge wéi dem Berliner Tageblatt, dem Berliner Börsen-Courier an der Vossische Zeitung Feuilletonen ze publizéieren. 1930 gouf se Member vun der KPD a gouf Mataarbechterin vu verschiddene kommunisteschen Zeitungen. 1932 gouf se Member vum Bund proletarisch-revolutionärer Schriftsteller (BPRS). Hiren éischte Roman konnt, nodeems d'Nationalsozialisten 1933 un d'Muecht koumen, net méi publizéiert ginn; e koum eréischt 1970 ënner dem Titel Kleine Leute eraus. D'Brüning huet bis 1945 offiziell just nach Ënnerhalungsliteratur geschriwwen, wéi z. B. de Roman Und außerdem ist Sommer, deen 1934 mat Succès erauskoum.

Déi éischt Jore vum Drëtte Räich huet si an der kommunistescher Resistenz matgemaach an ënner dem Pseudonym Elke Klent fir d'Neue Deutsche Blätter, eng Exilzäitschrëft déi zu Prag erauskoum, geschriwwen. 1935 gouf se verhaft a koum eréischt 1937 nees fräi, well d'Gestapo hir näischt noweise konnt. 1936 koum hire Roman Junges Herz muß wandern, dee s'am Prisong geschriwwen hat, eraus. 1937 huet d'Elfriede Brüning de Schrëftsteller a Verlagsdirekter Joachim Barckhausen bestuet. Bis 1947, wéi se gescheet goufen, krut si eng Duechter, d'Christiane Barckhausen, déi méi spéit och Schrëftstellerin gouf. D'Elfriede Brüning huet fir eng Filmfirma geschafft an zesumme mat hirem Mann d'Dréibuch fir de Film Semmelweis – Retter der Mütter geschriwwen, deen nom Krich gedréit gouf. Déi Zäit vum Krich war si bei de Schwéierelteren um Land.

D'Elfriede Brüning ass 1946 op Berlin hannescht gaangen. Si gouf nees Member an der KPD an huet vun 1949 u fir Zeitungen an Zäitschrëften aus der DDR geschafft. Zanter 1950 huet si als fräi Schrëftstellerin zu Berlin gelieft. Si war Auteur vu Romaner, Erzielungen, Reportagen an Dréibicher fir d'Televisioun. Hir Romaner, déi an der DDR vill a gär gelies goufen an déi dacks autobiographesch Elementer haten, behandele meeschtens d'Schicksaler vu Fraen an d'Resistenz géint den Nationalsozialismus am Drëtte Räich.

Wierker

Und außerdem ist Sommer, Leipzig 1934 Junges Herz muß wandern, Berlin 1936 Auf schmalem Land, Leipzig 1938 … damit du weiterlebst, Berlin 1949 Die Umkehr. Das ist Agnes, Leipzig 1949 Ein Kind für mich allein, Leipzig 1950 Vor uns das Leben, Berlin 1952 Regine Haberkorn, Berlin 1955 Gabriele, Berlin 1956 Rom hauptpostlagernd, Berlin 1958 Sonntag der dreizehnte, Berlin 1960 Wege und Schicksale, Berlin 1962 Das Antlitz unserer Zeit, Berlin 1965 Kinder ohne Eltern, Halle 1968

Kleine Leute, Berlin 1970 Septemberreise, Halle (Saale) 1974 Hochverrat, Berlin 1975 Jasmina und die Lotosblume, Berlin 1976 Zu meiner Zeit, Halle (Saale) 1977 Partnerinnen, Halle [u. a.] 1978 Frauenschicksale, Halle [u. a.] 1981 Wie andere Leute auch, Halle [u. a.] 1983 Altweiberspiele und andere Geschichten, Halle 1986 Lästige Zeugen?, Halle [u. a.] 1990 Kinder im Kreidekreis, Berlin 1992 Und außerdem war es mein Leben, Berlin 1994 Jeder lebt für sich allein, Berlin 1999

Spätlese, Erzählungen, Dietz, Berlin 2000, ISBN 3-320-02004-8; Verlag am Park, Berlin 2014, ISBN 978-3-89793-195-4. Ein Mädchen und zwei Romane, BS, Rostock 2002, ISBN 3-89954-002-6 Zeit-Besichtigung, Wilhelmshorst 2003 Gefährtinnen, Berlin 2004 Gedankensplitter, Berlin 2006 40 Kunstwerke aus der DDR, (Hrsg.), Das Neue Berlin, Berlin 2009, ISBN 978-3-355-01765-7 Nun, ich lebe noch. Deutsche Kommunistinnen in sowjetischen Lagern. Tonbandgespräche. Verlag am Park in der Edition Ost, Berlin 2013, ISBN 978-3-89793-291-3.

Literatur

• Brüning, Elfriede. In: Inge Diersen, et al: Lexikon sozialistischer Schriftsteller deutscher Literatur. Bibliographisches Institut, Leipzig 1964, S. 128–129 (mat Bibliographie).
• Eleonore Sent (Hrsg.): Elfriede Brüning. Ich mußte einfach schreiben, unbedingt. Briefwechsel mit Zeitgenossen 1930–2007. Klartext, Essen 2008, ISBN 978-3-89861-846-5.

Um Spaweck

Commons: Elfriede Brüning – Biller, Videoen oder Audiodateien

• Homepage vun der Elfriede Brüning
• Elfriede Brüning wird 100 Jahre alt. In: B.Z., 6. November 2010.
• 103. Geburtstag: Mein Held hält mich jung. In: B.Z., 7. November 2013.
• Karlen Vesper: Und außerdem ist Sommer... Zum Tod der Schriftstellerin Elfriede Brüning. Mehr als ein Jahrhundertleben - ein gelebtes Geschichtsbuch