Enda Kenny

Vu Wikipedia
Wiesselen op: Navigatioun, sichen
Den Enda Kenny

Den Enda Kenny, gebuer de 24. Abrëll 1951 zu Castlebar, County Mayo, ass en iresche Politiker, an zanter dem 9. Mäerz 2011 Premierminister vun Irland (Taoiseach genannt).

Hien ass zanter 2002 President vun der mëtt-riets Partei Fine Gael.

De Kenny ass dat drëtt vu fënnef Kanner vum Henry Kenny (1913-1975), dee vun 1954 bis 1975 Deputéierten am iresche Parlament war. Hien huet um St Patrick's College zu Dublin an dem University College zu Galway fir Schoulmeeschter geléiert an huet och an deem Beruff geschafft.

Zanter 1975 ass hien ouni Ënnerbriechung Deputéierten am Dáil Éireann, der Ënneschter Chamber. Vun 1986 bis 1987 war hien delegéierte Minister fir Jugend a vun 1994 bis 1997 Minister fir Tourissem an Handel.

2002 gouf hie Chef vu senger Partei an domat och Leader vun der Oppositioun am Parlament. Mat senger Partei huet hien 2011 déi virgezunne Parlamentswale gewonnen (wann och net mat absoluter Majoritéit), a gouf Premierminister.

Um Spaweck[änneren | Quelltext änneren]

Commons: Enda Kenny – Biller, Videoen oder Audiodateien