Entwécklungshëllef
 |
Dëse Geographiesartikel ass eréischt just eng Skizz. Wann Dir méi iwwer dëst Thema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir Hëllef braucht beim Schreiwen, da luusst bis an d'FAQ eran. |
Ënner Entwécklungshëllef, oder Entwécklungszesummenaarbecht versteet een dat gemeinsamt Beméie vun den Industrielänner fir an Entwécklungslännner d'Differenzen an der sozioökonomescher Entwécklung an an den allgemenge Liewensbedingunge weltwäit dauerhaft a wierksam ofzebauen.
Inhaltsverzeechnes |
Spender vun Entwécklungshëllef [änneren]
Um weltwäiten Niveau, wéi (Auswiel): [änneren]
- Internationale Währungsfong (IMF)
- Weltbank an Ënnerorganisatioune wéi: International Entwécklungsassociatioun (IDA)
Um Niveau vun de kontinenatalen Entwécklungsbanken, wéi: [änneren]
- Asian Development Bank ADB)
- African Développement Bank
- Inter-American Development Bank
- Banque Européenne pour la Reconstruction et le Développement (BERD)
Um spezifeschen Niveau vun der Europäescher Unioun [änneren]
D'Europäesch Zesummenaarbecht um Gebitt vun der Entwécklung huet mat de Yaoundé-Ofkommessen, déi tëscht der deemoleger Europäescher Wirtschaftsgemeinschaft an hire fréiere Kolonien ofgeschloss gi waren, ugefaang. Si hunn den Opbau vun enger fräier Handelszon virgesinn a goufe spéider duerch d'Lomé-Ofkommes an duerno duerch d'Cotonou-Ofkommes ofgeléist, dat fir méi eng laang Dauer - zwanzeg Joer mat enger Iwwerpréifung vu de Vertragsklauselen all fënnef Joer.
1992 gouf dat Europäescht Amt fir humanitär Hëllef (ECHO) geschaf, fir méi séier an op eng méi flexibel Manéier humanitär Hëllef bei Katastrophen- an Noutfäll ze leeeschten. ECHO schafft mat méi wéi 200 Partner zesummen, déi e Partnerschaftsvertrag mat der EU-Kommissioun ënnerschriwwen hunn.
Zënter 2001 ass d'Europäescht Amt fir Zesummenaarbecht (EuropeAid) déi zentral Plaz fir déi praktesch Realisatioun vun der europäescher Ëntwécklungspolitik. EuropeAid verwalt d'Programmer an d'Projeten an allen Entwécklungslännner. D'Presidentschaft vun EuropeAid huet den EU-Kommissär fir Aussebezéiungen, an d'Duerchféierung de Kommissär fir d'Entwécklung:
- Yaoundé-Ofkommes,
- Lomé-Ofkommes,
- Cotonou-Ofkommes,
- ECHO - Europäescht Amt fir humanitär Hëllef
- Europäesch Investitiounsbank (EIB)
- Europäeschen Entwécklungsfong (EEF)
- EuropeAid
2007 hat d'Hëllef, déi vun EuropeAid verdeelt gouf, e Volume vu 6,7 Milliarden Euro. Dat waren 11,3% vun all Entwécklungshëllef op der Welt.
Op europäeschem Plang muss een nach déi Hëllef derbäizielen, déi déi eenzel EU-Memberlänner ginn. Sou kënnt een op 60% vun der weltwäiter Entwécklungshëllef insgesamt. Zum Verglach: Den USA hiren Undeel ass 21%.
Um Niveau vu den eenzelne Länner [änneren]
Um Niveau vu den NROen [änneren]
Déi lëtzebuergesch Entwécklungshëllef [änneren]
Déi lëtzebuergesch Entwécklungshëllef, verglach mam lëtzebuergeschen Brutosozalprodukt, huet 2009 en international staark beuechte Spëtzenniveau vun iwwer engem Prozent erreecht, wéi aus dem folgenden Tableau erviergeet. Domat ass Lëtzebuerg mat Holland an de skandinavesche Länner Dänemark, Norwegen a Schweden een vu just fënnef Länner weltwäit déi méi wéi 0,7% vum hirem BSP fir Entwécklungshëllef ausginn. Just Norwegen gëtt nach méi fir Entwécklungshëllef, a Verglach zu sengem BSP, aus.[1]:
| Evolutioun vu der lëtz. Entwécklungshëllef, verglach mam BSP, a % (2000-07)[2] | |||
|---|---|---|---|
| Joer | Entwécklungshëllef an € | BSP an € | Verhältnes a % |
| 2000 | 133.433.659 | 19.170.400.000 | 0,70 |
| 2001 | 155.128.137 | 20.050.300.000 | 0,77 |
| 2002 | 155.735.183 | 19.897.900.000 | 0,78 |
| 2003 | 171.677.042 | 20.028.000.000 | 0,86 |
| 2004 | 188.981.534 | 23.987.300.000 | 0,79 |
| 2005 | 207.387.692 | 26.006.900.000 | 0,80 |
| 2006 | 231.510.318 | 25.799.600.000 | 0,90 |
| 2007 | 275.135.892 | 30.158.300.000 | 0,91 |
| 2008 | 287.679.785 | 29.753.900.000 | 0,97 |
| 2009 | 297.817.177 | 26.793.200.000 | 1,11 |
| 2010 | 297.817.177 | 27.730.962.000 | 1,09 |
Déi prioritär Länner vun der lëtzebuergescher Entwécklungshëllef [änneren]
|
|
Lëtzebuergesch NROen, déi steierfräi Done kënne kréien (Stand September 2010) [3] [änneren]
|
|
Referenzen [änneren]
- ↑ Development aid reaches an historic high in 2010 Rapport (2007) iwwert d'lëtzebuergesch Entwécklungs-Zesummenaarbecht, erausgi vum Ausseministère (PDF)
- ↑ Rapport annuel vun der Lëtzebuerger Entwécklungszesummenaarbecht, hei erofzelueden
- ↑ Lëtzebuergesch Steierverwaltung - Auszuch vum 28. September 2010
