Ephemeriden
Eng Ephemerid (vum griicheschen ephemeros „fir een Dag“, ass eng Tabell, déi d'Positioune vun engem astronomeschen Objet oplëscht. Ephemeride gi gebraucht an der Raumfaart an an der Himmelsmechanik, souwéi bei villen Uwendunge mat engem Bezuch zu der Sonn oder de Satelliten.
Inhaltsverzeechnes |
Uwendungen [änneren]
Ephemeride fir déi visuell Astronomie bedénge sech zu Positiounsdate entweder dem Vollkrees vun 360 Grad längs der Ekliptik oder ginn d'Positioun an Equatorialkoordinaten un. D'Berechnung vun de Ephemeride gehéiert zu de Leeschtunge vun der astronomescher Phenomenologie an ass haut Bestanddeel vu villen astronomesche Programmen oder interaktiv am Internet nozeschloen.
Bei engem Satellit beschreiwen d'Ephemeriden a mathematescher Form d'visuell Ëmlafbunn. Beim Global Positioning System (GPS) sinn déi Bunndaten e Bestanddeel vu Signaler déi jiddwer Satellit ausstraalt, an déi dann d'Grondlag fir d'Positiounsberechnung vum Empfänger sinn.
Fir d'Ofschätzung vun enger méiglecher Kollisiounswahrscheinlechkeet vun zwéi Kierperen am Sonnesystem ass et erfuerdert, d'Positioune vun de Kierperen an déi zäitlech Entwécklung vun dëse Positioune genee ze kennen. Dofir ginn Ephemeride-Kataloge fir Asteroiden ugeluecht, fir deenen hir zum dackste wéineg bekannte Bunndate méi genee bestëmmen ze kënnen. Besonnesch opgepasst gëtt bei den Äerdbunnkräizer, déi eis Äerd bedroe kënnten.
Ephemeriderechnung [änneren]
D'Ephemeriderechnung als Aarbechtsgebitt vun der astronomescher Phenomenologie geschitt op der Basis vun den observéierte Positioune vun den Himmelskierperen an der Gravitatiounstheorie. Fir künfteg Wäerter ginn dobäi déi ze erwardend Bunnstéierunge beuecht. Dofir gi Rechemodeller wéi d'Planéitentheorie opgestallt, fir d'Stéierungsrechnung ze preziséieren.
Kuckt och [änneren]
Literatur [änneren]
- Andreas Guthmann: Einführung in die Himmelsmechanik und Ephemeridenrechnung, Spektrum Akademischer Verlag, Heidelberg 2000, ISBN 3-8274-0574-2
- Oliver Montenbruck: Grundlagen der Ephemeridenrechnung, Spektrum Akademischer Verlag, Heidelberg 2005, ISBN 3-8274-1602-7
- Oliver Montenbruck u. Thomas Pfleger: Astronomie mit dem Personal Computer, Springer Verlag, Berlin 2004, ISBN 3-540-21204-3
- Hermann Mucke (Hrsg.): Moderne astronomische Phänomenologie. 20. Sternfreunde-Seminar, 1992/93. Zeiss Planetarium der Stadt Wien und Österreichischer Astronomischer Verein, Wien 1992 (weblink)
- Die Deutsche Ephemeride. 1850–1889. Barth, München 1929
Um Spaweck [änneren]
Berechnungen:
- (de) Onlineplanetarium – Berechnung vun aktuelle Ephemeride
- (de) Ephemeriden-Tabellen für 3000 Joer (links op PDF-Dateien)
Grondlagen:
