Ernzen (Irrel)

Dësen Artikel beschäftegt sech mat der Uertschaft Ernzen an der Verbandsgemeng Irrel. Fir déi lëtzebuergesch Uertschaft, déi op däitsch och Ernzen heescht, kuckt w.e.g. Iernzen.

Ernzen
Land:	Däitschland
Bundesland :	Rheinland-Pfalz
Landkrees :	Béibreg-Prüm
Verbandsgemeng :	Irrel
Fläch :	999 ha
Awunner :	427 (31. Dez. 2010)
Koordinaten :	49° 50' 30" N 06° 25' 32" O
Lag vun der Uertschaft

Ernzen ass eng Uertsgemeng an der Verbandsgemeng Irrel, am Äifelkrees Béibreg-Prüm a Rheinland-Pfalz. Se läit op der Südsäit vum Ferschweiler Plateau.

Geschicht

D'Geschicht vun Ernzen ass bis un d'Enn vum 18. Jorhonnert enk mam Klouschter Iechternach verbonnen. Eng éischte Kéier ass et als Arenza 895 an enger Charte ernimmt, mat där de loutrengesche Kinnek Zwentibold dem Iechternacher Klouschter de Besëtz vun der Uertschaft confirméiert huet. Dokumenter vu méi spéit schwätze vun Erneza (1148), Herense, Errensem an Ernszem.

1570 gouf eng Kapell an der Uertschaft als eng Filial vun Iechternach ernimmt. Se gouf 1613 restauréiert an 1808 nei opgebaut, andeems en Altor aus der Liboriuskapell, déi verfall war, do opgeriicht gouf. Ernzen war mat Ferschweiler, Prümzurlay a Laeisenhof êng vun de véier Meiereien vun der Propstei Iechternach, zu där och nach e puer Häff a Mille gehéiert hunn.

1848 hat d'Bürgermeisterei Ernzen 1612 Awunner.

Populatioun

1815 – 315 1835 – 614 1871 – 483 1905 – 527 1939 – 838 1950 – 563

1961 – 539 1965 – 553 1970 – 554 1975 – 498 1980 – 482 1985 – 467

1987 – 457 1990 – 440 1995 – 412 2000 – 390 2005 – 432 2007 – 450

Source: Statistisches Landesamt Rheinland-Pfalz, all Kéiers den 31. Dezember.

Kuckeswäertes

• Den Ernzer Felsenweiher, e Kaarpeweier aus dem 19. Joerhonnert, haut eng idyllisch Plaz
• E réimescht Monument aus dem 2. Jh. n. Chr.

Um Spaweck

• Uertsgemeng Ernzen
• Den Ernzer Fielseweier
• Römisches Weihedenkmal (1) (2)