Autobunn A4 (Lëtzebuerg)

A4 - Escher Autobunn
Zeechen	N°	Verdeeler
		Lëtzebuerg (Stad)-Hollerech
		A6 Zéissenger Kräiz
	1	Leideleng-Nord
	2	Leideleng-Süd
	3	Steebrécken
		Aire de Pontpierre
	4	Féiz
		A13 Uschloss Esch
	5	Esch-Uelzecht-Lalleng
		A13 Uschloss Lankëlz
		Esch Belval-Rämerech

D'Autobunn A4, och nach Escher Autobunn genannt, ass eng lëtzebuergesch Autobunn am Kanton Lëtzebuerg an am Kanton Esch-Uelzecht. Se geet vun Hollerech an der Stad Lëtzebuerg no Süde bis op Esch-Uelzecht, wou se um Rond-Point zu Raemerech ophält.

Et ass geplangt, se ënner Esch-Belval erduerch ze zéien an, als sougenannt Liaison Micheville, déisäit der franséischer Grenz un d'N52 unzeschléissen, fir esou den Duerchgangsverkéier vun de Frontalierë méiglechst aus den Uertschaften Esch-Uelzecht, Villerupt an Däitsch-Oth erauszehalen.

Et gi 5 Autobunnsausfaarten/Opfaarten, 1 Autobunnnskräiz, 2 Jonctiounen an a béid Richtunge jee eng Plaz fir ze raschten mat Tankstell. Den Tracée vun der A4 leeft méi oder manner parallel zu der N4. Et sin och Deeler vun der N4 duerch d'Autobunn ersaat ginn, dofir ass d'N4 net méi duerchgängeg vu Lëtzebuerg bis Esch-Uelzecht.

Um Zéissenger Kräiz kräizt d'A4 sech mat der A6 a geet da laanscht Leideleng, Steebrécken a Féiz. Direkt duerno gëtt et en Uschloss un d'A13 (Collectrice du Sud): virun der Sortie op Esch-Lalleng a Richtung Diddeleng, derhannert, bei der Jonctioun Lankëlz, a Richtung Péiteng.

D'Autobunn A4 gouf tëscht 1969 an 1976 a Betrib geholl: Fir d'éischt den Tronçon Féiz-Esch, 1972 dann d'Ëmfuerung vu Leideleng, 1974 d'Deelstéck Leideleng-Märel an zum Schluss d'Streck tëschent Leideleng a Steebrécken. An den 1980er Jore gouf se ëm dat Stéck tëscht Esch-Lalleng an Esch-Raemerech verlängert.

D'A4 huet eng Längt vu 16,3 km.

Um Spaweck

Commons: A4 (Luxembourg) – Biller, Videoen oder Audiodateien

• Site vun de Ponts et Chaussées