Eurovision Song Contest 1972
| 17. Eurovision Song Contest | |
|---|---|
| Datum | 25. Mäerz 1972 |
| Stad | Edinburgh (Groussbritannien) |
| Gebai | Usher Hall |
| Gewënner | Vicky Leandros (Lëtzebuerg) |
| Zuel vu Länner | 18 |
| Nei Participatiounen | Keng |
| Moderatioun | Moira Shearer |
| Interval Act | Tatto at Edinburgh Castle |
| Ofstëmmungsregelung | An der Jury vun all Land waren zwee Leit, den een ënner, den aneren iwwer 25 Joer. D'Jurore konnten all Land mindestens 1 Punkt, höchstens 5 Punkte ginn. |
De 17. Eurovision Song Contest war de 25. Mäerz 1972 a Groussbritannien. Organiséiert gouf d'Eurovisioun dat Joer an der Usher Hall zu Edinburgh. Presantatrice war d'Moira Shearer. Groussbritannie huet d'Organisatioun vum Grand Prix iwwerholl, obwuel et eigentlech un der Rei vu Monaco gewierscht wär. Et war fir Monaco awer net méiglech fir esou eng grouss Veranstaltung z'organiséieren.
D'Zuel vun de Länner ass d'selwecht bliwwe wéi dat Joer virdrun, nämlech 18.
Verschidde Sänger ware scho virdrun mol eng Kéier dobäi, d'Vicky Leandros fir Lëtzebuerg 1967, de Carlos Mendes fir Portugal 1988, d'Grupp Family Four fir Schweden 1971 an d'Tereza Kesovija fir Monaco 1966.
D'Regel fir d'Ofstëmmung war déiselwecht wéi dat Joer virdrun: An der Jury vun all Land waren zwee Leit, den een ënner, den aneren iwwer 25 Joer. D'Jurore konnten all Land mindestens 1 Punkt, héchstens 5 Punkte ginn. D'Jury konnt esou am ganze maximal 10 Punkte verginn fir dat beschte Lidd, wat an dësem Joer awer net all Land gemaach huet. D'Jurye waren op der Plaz derbäi an hunn d'Resultater zum Schluss op der Bühn bekannt ginn.
Déi éischt Plaz krut d'Vertriederin vu Lëtzebuerg, d'Vicky Leandros mat 14 Punkte Virsprong virun de New Seekers (Groussbritannien). Déi drëtt Plaz krut d'Mary Roos, déi fir Däitschland ugetruede war.
Fir Lëtzebuerg war et schonn déi drëtt Kéier datt et de Grand Prix gewonn hat. D'Gewënnerlidd vum Vicky Leandros ass europawäit e grousse Succès ginn, awer och d'Lidd vum Grupp New Seekers (2. Plaz) hat vill Erfolleg.
Plazéierungen [änneren]
| Plaz | Land | Interpret | Titel | Punkten |
|---|---|---|---|---|
| 1. | Lëtzebuerg | Vicky Leandros | Après toi | 128 |
| 2. | Groussbritannien | New Seekers | Beg, Steal or Borrow | 114 |
| 3. | Däitschland | Mary Roos | Nur die Liebe läßt uns leben | 107 |
| 4. | Holland | Sandra & Andres | Als het om de liefde gaat | 106 |
| 5. | Éisträich | Milestones | Falter im Wind | 100 |
| 6. | Italien | Nicola di Bari | I giorni dell'arcobaleno | 92 |
| 7. | Portugal | Carlos Mendes | A festa da vida | 90 |
| 8. | Schwäiz | Véronique Müller | C’est la chanson de mon amour | 88 |
| 9. | Jugoslawien | Tereza Kesovija | Muzika i ti | 87 |
| 10. | Spuenien | Jaime Morey | Amanece | 83 |
| 11. | Frankräich | Betty Mars | Come-comedie | 81 |
| 12. | Finnland | Päivi Paunu & Kim Floor | Muistathan | 78 |
| 13. | Schweden | Family Four | Småting | 75 |
| 14. | Norwegen | Grethe Kausland & Benny Borg | Goeiemorgen, morgen | 73 |
| 15. | Irland | Sandie Jones | Ceol an ghrá | 72 |
| 16. | Monaco | Anne-Marie Godart & Peter McLane | Comme on s’aime | 65 |
| 17. | Belsch | Serge & Christine Ghisoland | A la folie ou pas du tout | 55 |
| 18. | Malta | Helen & Joseph | L-imhabba | 48 |
Um Spaweck [änneren]
| Dublin (Irland) |  |
Lëtzebuerg (Lëtzebuerg) |
|---|---|---|
| ESC 1971 | Eurovision Song Contest | ESC 1973 |
