Eurovision Song Contest 1978

Vu Wikipedia
Wiesselen op: Navigatioun, sichen
ESC 1978 logo.PNG
23. Eurovision Song Contest
Datum 22. Abrëll 1978
Stad Paräis (Frankräich)
Gebai Palais des Congrès
Gewënner Izhar Cohen and the Alphabeta (Israel)
Zuel vu Länner 20
Nei Participatiounen Keng
Moderatioun Denise Fabre a Léon Zitrone
Interval Act Stéphane Grappelli and Oscar Peterson, Yehudi Menuhin, Kenny Clarke, Niels-Henning Ørsted Pedersen
Ofstëmmungsregelung An all Land huet eng Jury 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn.

Den 23. Eurovision Song Contest (offiziell de Concours Eurovision de la Chanson), war den 22. Abrëll 1978 a Frankräich. E gouf dat Joer am Palais des Congrès zu Paräis organiséiert. Presentateure waren d'Denise Fabre an de Léon Zitrone.

Am Ganzen hunn 20 Länner matgemaach, Jugoslawien a Malta waren net dobäi. Dänemark huet no 11 Joer Paus fir d'éischt nees matgemaach.

Verschidde Sänger ware scho virdru mol eng Kéier dobäi, de Jean Vallée fir d'Belsch 1970 an d'Ireen Sheer fir Lëtzebuerg 1974.

D'Regel fir d'Ofstëmmung ass d'selwecht bliwwen wéi dat Joer virdrun: An all Land huet eng Jury 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn. D'Resultater si per Telefon op Paräis matgedeelt ginn.

Déi éischt Plaz kruten d'Vertrieder vun Israel, d'Grupp Izhar Cohen & the Alphabeta, mat 32 Punkte Virsprong virum Jean Vallée (Belsch). Déi drëtt Plaz krut de Joël Prévost, dee fir Frankräich ugetruede war.

Fir Israel war et déi éischt Kéier datt et de Grand Prix gewonnen hat. A Jordanien ass d'Eurovisioun och live iwwerdroe ginn. Wéi et bis ofzegesi war, dat Israel giff gewannen, hu se ënner dem Virwand vun technesche Schwieregkeeten d'Sendung ënnerbrach. Den Dag drop hu se d'Belsch als Gewënner presentéiert, déi jo a Wierklechkeet nëmmen Zweet gi waren.

Klassement[änneren | Quelltext änneren]

Plaz Land Interpret Titel Punkten
1. Israel Izhar Cohen and the Alphabeta A-ba-ni-bi 157
2. Belsch Jean Vallée L'amour ça fait chanter la vie 125
3. Frankräich Joël Prévost Il y aura toujours des violons 119
4. Monaco Caline an Olivier Toussaint Dans les jardins de Monaco 107
5. Irland Colm T. Wilkinson Born to Sing 86
6. Däitschland Ireen Sheer Feuer 84
7. Lëtzebuerg Baccara Parlez-vous français 73
8. Griicheland Tania Tsanaklidou Charlie Chaplin 66
9. Spuenien José Velez Bailemos un vals 65
9. Schwäiz Carole Vinci Vivre 65
11. Groussbritannien Co-Co Bad Old Days 61
12. Italien Ricchi e Poveri Questo amore 53
13. Holland Harmony T is o.k. 37
14. Schweden Björn Skifs Det blir alltid värre framåt natten 26
15. Éisträich Springtime Mrs. Caroline Robinson 14
16. Dänemark Mabel Boom-boom 13
17. Portugal Gemini Dai-li-dou 5
18. Finnland Seija Simola Anna rakkaudelle tilaisuus 2
18. Tierkei Nilüfer & Nazar Boom Boom Boomerang 2
20. Norwegen Jahn Teigen Mil etter mil 0

Um Spaweck[änneren | Quelltext änneren]

London (Groussbritannien) Esc-wäiss1.png Jerusalem (Israel)
ESC 1977 Eurovision Song Contest ESC 1979