Eurovision Song Contest 1979

Vu Wikipedia
24. Eurovision Song Contest
Datum 31. Mäerz 1979
Stad Jerusalem (Israel)
Gebai Binyanei Ha'ouama Centre
Gewënner Gali Atari & Milk and Honey (Israel)
Zuel vu Länner 19
Nei Participatiounen Keng
Moderatioun Daniel Pe'er & Yardena Arazi
Interval Act Shalom ’79
Ofstëmmungsreegel An all Land huet eng Jury 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn.
Binyanei Ha'ouama Centre zu Jerusalem, 2006
D'Gali Atari aus der Gewënnergrupp, 2009

De 24. Eurovision Song Contest war den 31. Mäerz 1979 an Israel. E gouf dat Joer am Binyanei Ha'ouama Centre zu Jerusalem organiséiert. Presentateure waren den Daniel Pe'er an d'Yardena Arazi. Et war déi éischt Kéier datt de Grand Prix net an Europa ofgehale gouf.

Am Ganzen hunn 19 Länner matgemaach. Jugoslawien, Malta an d'Tierkei waren net dobäi. D'Tierkei wollt eigentlech ursprenglech matmaachen, huet sech awer op Drock vun e puer arabeschen Noperstaaten nees zeréck gezunn.

Verschidde Sänger ware scho virdru mol eng Kéier dobäi, d'Anne-Marie David fir Lëtzebuerg 1973, d'Sandra Reemer (Xandra) fir Holland 1972 a 1976, d'Anita Skorgan fir Norwegen 1977 an d'Grupp Peter, Sue and Marc fir d'Schwäiz 1971 a 1976.

D'Reegel fir d'Ofstëmmung ass d'selwecht bliwwe wéi dat Joer virdrun: An all Land huet eng Jury 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn. D'Resultater si per Telefon op Jerusalem matgedeelt ginn.

Déi éischt Plaz kruten d'Vertrieder vun Israel, d'Grupp Gali Atari & Milk and Honey, mat 9 Punkte Virsprong virum Betty Missiego (Spuenien). Déi drëtt Plaz krut d'Anne-Marie David, déi fir Frankräich ugetruede war.

Spuenie war dat lescht Land fir ofzestëmmen. Zu deem Moment war Spuenien mat 1 Punkt virun Israel, duerch déi 10 Punkten déi se du vu Spuenien kritt hunn, huet Israel gewonnen. Et sinn duerno Gerüchter ginn, dat Spuenien net wollt wannen an dat se dowéinst Israel d'Punkte ginn hunn.

Fir Israel war et déi zweet Kéier datt et de Grand Prix gewonnen hat an dat och nach hannereneen. D'Gewënnerlidd ass en europawäiten Erfolleg ginn.

Klassement[änneren | Quelltext änneren]

Plaz Land Interpret Titel Punkten
1. Israel Gali Atari & Milk and Honey Hallelujah 125
2. Spuenien Betty Missiego Su canción 116
3. Frankräich Anne-Marie David Je suis l'enfant-soleil 101
4. Däitschland Dschinghis Khan Dschinghis Khan 86
5. Irland Cathal Dunne Happy Man 80
6. Dänemark Tommy Seebach Disco Tango 76
7. Groussbritannien Black Lace Mary Ann 73
8. Griicheland Elpida Sokrati 69
9. Portugal Manuela Bravo Sobe, sobe, balão sobe 64
10. Schwäiz Peter, Sue & Marc & Pfuri, Gorps & Kniri Trödler und Co. 60
11. Norwegen Anita Skorgan Oliver 57
12. Holland Xandra Colorado 51
13. Lëtzebuerg Jeane Manson J'ai déjà vu ça dans tes yeux 44
14. Finnland Katri Helena Katson sineen taivaan 38
15. Italien Matia Bazar Raggio di luna 27
16. Monaco Laurent Vaguener Notre vie c'est la musique 12
17. Schweden Ted Gärdestad Satellit 8
18. Belsch Micha Marah Hey Nana 5
18. Éisträich Christina Simon Heute in Jerusalem 5

Um Spaweck[änneren | Quelltext änneren]

Paräis (Frankräich) Den Haag (Holland)
ESC 1978 Eurovision Song Contest ESC 1980