Eurovision Song Contest 2007

Vu Wikipedia
Wiesselen op: Navigatioun, sichen
Esc2007.jpg
52. Eurovision Song Contest
Motto True Fantasy
Datum 10. Mee an 12. Mee 2007
Stad Helsinki (Finnland)
Gebai Hartwall Areena
Gewënner Marija Šerifović (Serbien)
Zuel vu Länner 42
Nei Participatiounen Tschechien, Montenegro, Serbien a Georgien
Moderatioun Jaana Pelkonen a Mikko Leppilampi
Interval Act Halleffinall: Tsuumi, Finall: Apocalyptica
Ofstëmmungsregelung All Land huet 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn.
Hartwall Arrena
D'Gewënnerin Marija Šerifović

Den 52. Eurovision Song Contest war den 10. an den 12. Mee 2007 a Finnland. Organiséiert gouf d'Eurovisioun dat Joer an der Hartwall Areena zu Helsinki. Presentateure waren d'Jaana Pelkonen, de Mikko Leppilampian d'Krisse Salminen.

Tschechien, Montenegro, Serbien a Georgien sinn nei dobäi komm. Lëtzebuerg huet scho wéi déi 13 Joer virdru fräiwëlleg drop verzicht fir matzemaachen. Och Italien, d'Slowakei, a Monaco hu fräiwëlleg net matgemaach. Am Ganzen hunn 42 Länner matgemaach, obwuel d'EBU eigentlech de maximale Limit op 40 geluecht hat.

Verschidden Interprete ware scho virdrun emol eng Kéier dobäi, d'Evridiki fir Zypern 1992 an 1994, den Eiríkur Hauksson fir Island 1986 (Deel vum Grupp ICY) an 1991 (Deel vum Grupp Just 4 Fun, fir Norwegen), d'Karolina Gočeva fir Mazedonien 2002 an d'Edsilia Rombley fir Holland 1998.

Zanter 2004 gëtt et zwee, resp. dräi Deeg virun der Finall eng Qualifikatiounsronn, aus där déi zéng Éischtplazéiert d'Finall erreechen. Véierzéng weider Länner si scho fir d'Ennronn qualifizéiert gewiescht: déi Beschtplazéiert vum Virjoer souwéi déi Grouss Véier (Big-4) vun der European Broadcasting Union (Däitschland, Frankräich, Groussbritannien a Spuenien.

D'Regel fir d'Ofstëmmung ass d'selwecht bliwwe wéi déi Jore virdrun. Och dëst Joer ass den Televoting duerch d'Spectateure vun alle Länner benotzt ginn fir ofzestëmmen. Bal 9 Millioune Stëmme sinn europawäit erakomm, per Telefon oder SMS. All Land huet duerch d'Ofstëmmung 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn. D'Resultater si per Telefon op Helsinki matgedeelt ginn. D'Länner hunn alleguer, souwuel an der Halleffinall, wéi och an der Finall däerfen ofstëmmen.

Et war déi éischt Kéier datt de Grand Prix an HD-Qualitéit ausgestraalt ginn ass.

Déi éischt Plaz krut d'Vertriederin vu Serbien, d'Marija Šerifović mat 13 Punkte Virsprong virum Verka Serduchka (Ukrain). Déi drëtt Plaz krut d'Grupp Serebro, déi fir Russland ugetruede war.

Fir Serbien war et déi éischt Kéier datt et de Grand Prix gewonnen hat.

2007 huet den Organisateur (d'EBU) eng sougenannten Winnerstour agefouert. Zur besserer Promotioun vum Gewënnertitel gouf fir de Gewënner eng Tournee duerch Dänemark, Schweden, Griicheland, Däitschland, Holland a Spuenien organiséiert an dofir ass souguer e Privatjet zur Verfügung gestallt ginn.

Halleffinall[änneren | Quelltext änneren]

Déi Länner déi net automatesch fir d'Finall qualifizéiert ware sinn den 10. Mee an enger Halleffinall géinteneen ugetrueden. Déi zéng bescht (an der Tabell greng duergestallt) hu sech fir d'Finall qualifizéiert. D'Punkteverdeelung ass eréischt no der Finall bekannt gemaach ginn fir eng Beaflossung an der Finall ze vermeiden.

Plaz Startnr. Land Interpret Titel Punkten
01. 15 Serbien Marija Šerifović Molitva 298
02. 22 Ungarn Magdi Rúzsa Unsubstantial Blues 224
03. 26 Tierkei Kenan Doğulu Shake It Up şekerim 197
04. 04 Wäissrussland Dsmitry Kaldun Work Your Magic 176
05. 28 Lettland Bonaparti.lv Questa notte 168
06. 01 Bulgarien Eliza Todorowa & Stojan Jankulow Water 146
07. 25 Slowenien Alenka Gotar Cvet z juga 140
08. 06 Georgien Sopho Visionary Dream 123
09. 18 Mazedonien Karolina Mojot svet 097
10. 09 Moldawien Natalia Barbu Fight 091
11. 17 Portugal Sabrina Dança comigo (vem ser feliz) 088
12. 21 Andorra Anonymous Salvem el món 080
13. 05 Island Eiríkur Hauksson Valentine Lost 077
14. 14 Polen The Jet Set Time to Party 075
15. 03 Zypern Evridiki Comme ci, comme ça 065
16. 13 Kroatien Dragonfly feat. Dado Topić Vjerujem u ljubav 054
17. 11 Albanien Aida & Frederik Ndoci Hear My Plea 049
18. 19 Norwegen Guri Schanke Ven a bailar conmigo 048
19. 12 Dänemark DQ Drama Queen 045
20. 08 Schwäiz DJ BoBo Vampires Are Alive 040
21. 10 Holland Edsilia Rombley On Top of the World 038
22. 07 Montenegro Stevan Faddy 'Ajde kroči 033
22. 23 Estland Gerli Padar Partners in Crime 033
24. 02 Israel Teapacks Push the Button 017
25. 20 Malta Olivia Lewis Vertigo 015
26. 24 Belsch The KMG’s Love Power 014
27. 27 Éisträich Eric Papilaya Get a Life – Get Alive 04
28. 16 Tschechien Kabát Malá dáma 01

Finall[änneren | Quelltext änneren]

Plaz Startnr. Land Interpret Titel Punkten
01. 17 Serbien Marija Šerifović Molitva 268
02. 18 Ukrain Verka Serduchka Dancing Lasha Tumbai 255
03. 15 Russland Serebro Song # 1 207
04. 22 Tierkei Kenan Doğulu Shake It Up şekerim 163
05. 21 Bulgarien Eliza Todorowa & Stojan Jankulow Water 157
06. 03 Wäissrussland Dsmitry Kaldun Work Your Magic 145
07. 10 Griicheland Sarbel Yassou Maria 139
08. 23 Armenien Hayko Anytime You Need 138
09. 08 Ungarn Magdi Rúzsa Unsubstantial Blues 128
10. 24 Moldawien Natalia Barbu Fight 109
11. 01 Bosnien an Herzegowina Marija Šestić Rijeka bez imena 106
12. 11 Georgien Sopho Visionary Dream 097
13. 20 Rumänien Todomondo Liubi, liubi, I Love You 084
14. 06 Mazedonien Karolina Mojot svet 073
15. 07 Slowenien Alenka Gotar Cvet z juga 066
16. 14 Lettland Bonaparti.lv Questa notte 054
17. 05 Finnland Hanna Pakarinen Leave Me Alone 053
18. 12 Schweden The Ark The Worrying Kind 051
19. 16 Däitschland Roger Cicero Frauen regier’n die Welt 049
20. 02 Spuenien D'Nash I Love You mi vida 043
21. 09 Litauen 4Fun Love or Leave 028
22. 13 Frankräich Les Fatals Picards L'amour à la française 019
22. 19 Groussbritannien Scooch Flying the Flag (For You) 019
24. 04 Irland Dervish They Can’t Stop the Spring 05

Um Spaweck[änneren | Quelltext änneren]

Commons: Eurovision Song Contest 2007 – Biller, Videoen oder Audiodateien
Athen (Griicheland) Esc-wäiss1.png Belgrad (Serbien)
ESC 2006 Eurovision Song Contest ESC 2008