Evangelistar

Vu Wikipedia
Wiesselen op: Navigatioun, sichen

En Evangelistar ass e liturgëscht Buch, an deem déi Textabschnitter aus den Evangelien (Evangelienperikopen) stinn, sou wéi se am Laf vum Kierchejoer am Gottesdéngscht virgelies ginn. Den Ënnerscheed zu engem Evangeliar besteet doran, datt am Evangliar de kompletten Text vun de véier Evangelien steet.

E kompletten Lektionar besteet aus engem Evangelistar an engem Epistolar, eng Sammlung mat allen aneren biblesche Liestexter.

Den Iechternacher Evangelistar, eng mëttelalterlech Handschrëft, déi géint 1030 am Skriptorium vun der Iechternacher Abtei gemaach gouf, ass dee bedeitendste Lëtzebuerger Evangelistar. En ass net ze verwiesselen mat dem Gëllenen Evangeliar.