Extragalaktesch Astronomie

Vu Wikipedia
Wiesselen op: Navigatioun, sichen
Simulatioun: Rendez-vous a Wiesselwierkung vu Galaxien

D'’Extragalaktesch Astronomie („aussergalaktesch“) als Deelgebitt vun der Astronomie beschäftegt sech mat Himmelskierper, déi baussent eiser eegener Galaxis, der Mëllechstrooss, sinn. De Begrëff gëllt och fir déi vun hinnen afalend Stralung a fir zougehéierend Methode gebraucht.

Am Ufank vum 20. Joerhonnert – wéi zum Beispill an der Shapley-Curtis-Debatt – war et onsécher, ob et iwwerhaapt observéierbar Objete baussescht der Mëllechstrooss gëtt. Eréischt an de 1920er-Jore gouf, haaptsächlech duerch d'Entdeckung vun den Cepheiden a 'Spiralniwwelen' (Galaxien) duerch den Edwin Hubble, kloer, datt et Galaxië sinn déi eiser Mëllechstrooss gläichen. Bis zum zweete Weltkrich waren d'Ënnersich vu Galaxien op dat visuellt Liicht reduzéiert. Den technesche Fortschrëtt huet et erméiglecht, datt d'Observatioun extragalaktescher Objete ze realiséiere war, souwéi och weider Beräicher vum elektromagnetesche Spektrum, wéi Radioberäich a spéider och a Röntgenstralung, Gammastralung an am Ultraviolett- an Infraroutberäich. Duerch dës Observatiounsberäicher an Empfindlechkeetvergréisserung vu modernen Teleskopen an Instrumenter koumen nieft de Stären a Gasniwwele vu Galaxien och nei Phenomener wéi aktiv galaktesch Kären, Gas a Stëbs am interstellare Medium vun de Galaxien an endlech d'kosmesch Hannergrondstralung an den Intressi vun den Astronomen.

Déi normal extragalaktesch Moosseenheet fir Distanzen ass de Megaparsec, ofgekierzt Mpc, deen enger Distanz vun 1 Millioun Parsec oder 3,262 Millioune Liichtjoer entsprécht. Déi noost Galaxien, d'Magellanesch Wolleke, leien op enger Distanz vu ronn 0,05 Mpc, déi wäitest Galaxis, déi bis elo observéiert gouf, ass Dausenden Mpc ewech.

Déi an der Allgemengheet bekanntst extragalaktesch Objete sinn den Andromedaniwwel an e puer aner no Galaxien, souwéi d'Quasaren.

Extragalaktesch Objeten[änneren | Quelltext änneren]

Kuckt och[änneren | Quelltext änneren]

Saturn 01.svg Portal Astronomie

Um Spaweck[änneren | Quelltext änneren]