Félix vu Lëtzebuerg

Vu Wikipedia
Wiesselen op: Navigatioun, sichen
vlnr.: Félix, Alexandra a Guillaume vu Lëtzebuerg den 29. September 2006 bei der Hochzäit vun hirem Brudder Louis zu Gilsdref

De Félix Léopold Marie Guillaume vu Lëtzebuerg, gebuer den 3. Juni 1984 an der Maternité Grande-Duchesse Charlotte zu Lëtzebuerg, ass Prënz vun Nassau a Prënz vu Lëtzebuerg. Hien ass deen zweete Jong vum Groussherzog Henri a senger Fra Maria Teresa Mestre.

Studien[änneren | Quelltext änneren]

No der Primärschoul zu Luerenzweiler huet e seng Sekundarstudien zu Lëtzebuerg an der Privatschoul Notre Dame Sainte-Sophie de Luxembourg an an der American School of Luxembourg gemaach. Vun 1998 bis 2003 ass hien an de Collège Alpin International Beau Soleil zu Villars-sur-Ollon an der Schwäiz gaangen, wou hien och säin Ofschlossdiplom krut.

Vun 2003 bis 2004 huet en e Studium a Politikwëssenschaften, Kommunikatioun a Psychologie a Groussbritannien an an der Belsch gemaach. Ausserdeem huet en an där Zäit Stagen a verschiddene Privatentreprisë gemaach.

2005 huet en am Departement Marketing & Public Relations vun enger schwäizer Firma geschafft, déi op d'Organisatioun vu Sport- a Kulturevenementer spezialiséiert ass . Fir déi Firma ass en och weider aktiv als onofhängege Beroder.

Vun 2009 bis 2013 huet de Prënz Félix zu Roum am Pontifical Athenaeum Regina Apostolorum e Masterstudium a Bioethik gemaach, deen e mat Erfolleg ofgeschloss huet.

De 17. September 2013 huet hien an der hessescher Uertschaft Königstein im Taunus an der Villa Rothschild d'Claire Lademacher bestuet. Déi kierchlech Hochzäit war den 21. September an der Basilika Sainte-Marie-Madeleine zu Saint-Maximin-la-Sainte-Baume am Departement Var a Südfrankräich.

De 15. Juni 2014 krut d'Koppel hirt éischt Kand, d'Amalia Gabriela Maria Teresa.[1]

Patronagen[änneren | Quelltext änneren]

Zanter 2003 mécht de Prënz Félix de Patronage vum Fallschirmspréngerveräin Cercle Para Luxembourg (FAL). Hien ass och zënter 2005 Éierepresident vun der Fédération luxembourgeoise de Basketball.

Um Spaweck[änneren | Quelltext änneren]

Commons: Félix vu Lëtzebuerg – Biller, Videoen oder Audiodateien

Referenzen[änneren | Quelltext änneren]

  1. "Nowuess um Haff: D'Prinzessin Amalia ass do." rtl.lu, Leschten Update: 16.06.2014, 08:44:39.