FC Monnerech
| FC Monnerech | ||||
 |
||||
| Offiziellen Numm: | Football Club Mondercange |
|||
| Grënnung: | 1933 | |||
|---|---|---|---|---|
| Stadion: | Stade Communal, Monnerech |
|||
| Plazen: | 3 304 | |||
| President: | Jean-Claude Schanen | |||
| Trainer: | Filipe Vila Verde (zënter Dez. 2011) |
|||
| Liga: | Foussball Éierepromotioun | |||
| 2010/11 | Éierepromotioun, 8. Plaz | |||
|
||||
Den FC Monnerech (offiziell F.C. Mondercange) ass e lëtzebuergesche Foussballclub vu Monnerech a gouf 1933 gegrënnt.
De Veräin spillt seng Matcher am Stade Communal zu Monnerech. De Stade huet Plaz fir 3 304 Leit. Iwwerdeckt sinn 254 Sëtzplazen a 50 Stéiplazen.
Inhaltsverzeechnes |
Éischt Seniorsequipe [änneren]
D'éischt Seniorsequipe vu Monnerech huet an den 80er Joren nach an der zweeter, 1985/86 esouguer nach drëtter Divisioun gespillt. Vun uganks de 90er un ass et dunn -mat e puer Réckschléi- de Bierg op gaangen. Nodeems den Opstig 1989/90 an d'éischt Divisioun gepackt war, klemmt Monnerech schonn an der Saison drop (1990/91) an d'Éierepromotioun, kann sech do awer net behaapten a fält direkt erëm eraus.
Tëscht 1994/95 an 1997/98 sinn déi Monnerecher nees an der Éierepromotioun a vun 1998/99 bis 2003/04 spillt de Club fir d'éischte Kéier an der Veräinsgeschicht an der Nationaldivisioun.
Enn der Saison 2005/06 wënnt Monnerech als Drëttplazéierten aus der Éierepromotioun de Barragematch géint de Leschten aus der Nationaldivisioun, den Avenir Beggen, mat 3-2 (no Verlängerung) an ass domat avancéiert. Monnerech konnt sech awer net halen a spillt 2007/08 nees zweetklassesch. 2009/10 war den FC Monnerech du nees éischtklassëg, konnt awer um Enn vun der Saison d'Klass leider net halen.
Nationale Palmarès [änneren]
- Finalist (2x): 1999, 2000
Europäesch Kompetitiounen [änneren]
| Saison | Kompetitioun | Ronn | Land | Club | Resultat |
|---|---|---|---|---|---|
| 1999/00 | UEFA Cup | Q |  |
Dinamo Bukarest | 2-6, 0-7 |
Q = Qualifikatioun
Dammenequipe [änneren]
Monnerech war ee vun den éischte Veräiner am Land déi eng Dammenequipe hat. D'Equipe gouf 1975/76 Champion am Dammechampionat. Am Ament (Abrëll 2007) huet de Club keng Dammenequipe ugemellt.
Nationale Palmarès [änneren]
- Champion (1x): 1976
- Vizechampion (1x): 1985
 Veräiner an der Foussball Éierepromotioun 2011/12  |
|||||||||||
|---|---|---|---|---|---|---|---|---|---|---|---|
