FC Wolz 71
| Wolz 71 | ||||
 |
||||
| Offiziellen Numm: | Football Club Wiltz 71 | |||
| Veräinsfaarwen: | Rout-Wäiss | |||
|---|---|---|---|---|
| Grënnung: | 1971 | |||
| Stadion: | Terrain Géitzt, Nidderwolz |
|||
| Plazen: | 2 000 | |||
| President: | Henri Roemer De Romain Schneider ass Éierepresident. |
|||
| Trainer: | Joël Crahay | |||
| Liga: | Éierepromotioun | |||
| 2010/11 | Nationaldivisioun, 13. Plaz | |||
|
||||
Den FC Wolz 71 (offiziell F.C. Wiltz 71) ass e lëtzebuergesche Foussballclub vu Wolz. De Veräin ass 1971 aus der Fusioun vun de Clibb aus der Wëlzer Gemeng, der Union Sportive Niederwiltz vun Nidderwolz an dem Gold a Ro'd Wiltz vu Wolz selwer entstanen. 1976 huet sech dunn nach de Foussballclub vu Wegdichen, d'Arminia Weidingen dem Fusiounsveräin ugeschloss.
D'éischt Equipe vu Wolz ass 1972/73 an d'éischt Divisioun, 1978/79 dunn an d'Éierepromotioun gestigen. 1981/82, nëmmen eng zéng Joer no der Fusioun, hunn déi Wëlzer hir éischt Saison Nationaldivisioun gespillt. Zënterhier ass de Club zwar véiermol aus der ieweschter Divisioun erausgerutscht (1985, 1987, 1992, 2001), huet sech awer meeschtens ni ze laang an der Éierepromotioun opgehal [1] a bis ewell ëmmer nees den Opstig zeréck an d'Nationaldivisioun gepackt.
Gréisste Succès an der Veräinsgeschicht war d'Erreeche vun der Coupefinale 2000/2001 an där sech um Enn awer d'Ettelbrécker Etzella mat 5-3 duerchsetze konnt.
Wolz huet nach ni bei enger europäescher Clubkompetitioun matmaache kënnen.
D'Championatsmatcher vun der éischter Equipe ginn um Terrain Géitzt zu Nidderwolz gespillt. Den Terrain ass am Ganze fir 2 000 Leit zougelooss, dovu sinn 500 Plaze Stéiplazen op der Tribün. Net wäit vum Haaptterrain ewech läit en zweeten Terrain mat syntheteschem Wues. Zu Wegdichen huet de Club en drëtt Spillfeld, den Terrain Poetz (keng Beliichtung).
[änneren] Nationale Palmarès
- Finalist (1x): 2001
[änneren] Um Spaweck
- (fr)(lb) Offizielle Site vu Wolz 71
[änneren] Notizen a Referenzen
- ↑ 1987/88 bis 1990/91 war bis ewell déi längst Period an där Wolz, no 1981, Éierepromotioun gespillt huet. (Stand: 2007)
