Ferschweiler

Ferschweiler
Land:	Däitschland
Bundesland :	Rheinland-Pfalz
Landkrees :	Béibreg-Prüm
Verbandsgemeng :	Irrel
Fläch :	741 ha
Awunner :	872 (31. Dez. 2010)
Koordinaten :	49° 51' 47.29" N 06° 24' 18.67" O
Lag vun der Uertschaft

Ferschweiler ass eng Uertsgemeng vun der Verbandsgemeng Irrel am Äifelkrees Béibreg-Prüm, am Däitsch-Lëtzebuerger Naturpark a Rheinland-Pfalz.

Se läit op engem Plateau vum Lëtzebuerger Sandsteen, Ferschweiler Plateau genannt.

Geschicht

Ferschweiler gouf eng éischte Kéier 751 an enger Charte vum Klouschter Iechternach als Vilare ernimmt; et gëtt ugeholl, datt et op Reschter vun enger réimescher Besidlung zeréckgefouert ka ginn. Bis un d'Enn vum 18. Jorhonnert ass d'Gechicht vu Ferschweiler enk mam Klouschter Iechternach verbonnen, deem et weltlech wéi kierchlech ënnerstallt war. A Chartë vun 1069 an 1148 gëtt d'Uertschaft Wilre genannt, als Vertswiler gëtt 1161 eng „ecclesia“, 1410 eng Kapell ernimmt. 1528 gouf et zu Verswiler néng Stéit.

1538 gouf eng Kierch am spéitgotesche Stil gebaut; den Tuerm dovunner, no der Hl. Lucie Luzienturm genannt, steet nach haut do.

Awunner

1815 – 418 1835 – 746 1871 – 697 1905 – 761 1939 – 1151 1950 – 834

1961 – 996 1965 – 950 1970 – 965 1975 – 941 1980 – 912 1985 – 905

1987 – 877 1990 – 921 1995 – 903 2000 – 866 2005 – 893 2007 – 886

Datequell: Statistisches Landesamt Rheinland-Pfalz

Kuckeswäertes

• * De Luzienturm.
• D'Ferschweiler Mille vu 1767 am Dall vun der Weilerbaach.
• D'Parkierch St. Luzia, 1826 gebaut, an no 1947 restauréiert.

Literatur

• Christian Oberweis: Der Ferschweiler Leute Buch, 2001.

Um Spaweck

Commons: Ferschweiler – Biller, Videoen oder Audiodateien

• d'Gemeng Ferschweiler