Fiederwäissen

Vu Wikipedia
Wiesselen op: Navigatioun, sichen

Fiederwäissen ass neie Wäin, deen nach an der Gärung ass. D'Zäit vum Fiederwäissen dauert ongeféier 3 Wochen.

Beim Kelteren (Pressen) vun den Drauwen entsteet Moscht (de.: Most). Am Moscht entstinn da frësch Hiefen (oder Heffen) déi den Zocker, deen am Moscht enthalen ass, vergären. Dobäi entsteet Alkohol a Kuelesäier. D'Hiefen, déi ausgesi wéi Millioune butzeg Plommen, ginn dem Wäin déi wäiss Faarf an och den Numm.

Trotz dëser Faarf an deem fruuchtegen, aromatesche Goût kann een net méi vun Drauwesaaft schwätzen: Den neie Wäi besteet aus 9 % Alkohol, deen duerch d'Kuelesaier relativ séier an d'Blutt transportéiert gëtt.

D'Gärung dauert normalerweis zwou bis dräi Woche bis de Wäin säin typischen Aroma entwéckelt huet. Awer schonn no 10 Deeg schmaacht e séiss a fruuchteg. D'Gärung leeft sou laang bis d'Zockerreschter am Moscht alleguer vergärt sinn. Duerno gëtt de Wäi lues a lues ëmmer méi kloer an d'Hiefe setze sech um Fong of.

Am Prinzip kënnen all Wäinzorten als Fiederwäissen profitéiert ginn. Zu Lëtzebuerg gëtt traditionell, wéinst sengem typeschen Aroma, de Rivaner geholl.

De Fiederwäissen, mat Verstand gedronk, wierkt sech och positiv op d'Gesondheet aus. Seng B1 - a B2 – Vitaminnen suerge fir eng reng Haut, e frëschen Teint a schéin Hoer. Ausserdeem botzt en d'Blutt an en entschlaakt de Kierper. E soll am beschte bei enger Temperatur vun 12° bis 14° Celsius genoss ginn.

Kuckt och[änneren | Quelltext änneren]

Commons: Federweisser – Biller, Videoen oder Audiodateien