Fluchhafe Lëtzebuerg

Vu Wikipedia, der fräier Enzyklopedie.
Wiesselen op: Navigatioun, sichen
D'Pist vum Fluchhafe Lëtzebuerg (1991).
Lag vum Fluchhafen ëstlech vun der Stad Lëtzebuerg.[1]
Kaart vum Fluchhafe Lëtzebuerg.[2]
Den Terminal A vun der Piste aus gesinn.
Den Terminal B vun der Piste aus gesinn.
D'Entrée vun der Aérogare (Terminal A)
Checkin an der neier Aérogare (Terminal A)

De Fluchhafe Lëtzebuerg, offiziell Aéroport de Luxembourg genannt, läit um Findel ongeféier 5 km nord-ëstlech vun der Stad Lëtzebuerg, um Territoire vun de Gemenge Sandweiler, Nidderaanwen a Lëtzebuerg. De Begrëff Findel gëtt dann och dacks als Metonymie fir de Fluchhafe gebraucht.

Inhaltsverzeechnes

[änneren] Geschicht

1939 ass ugefaange ginn, den Terrain riicht ze maachen. Am Zweete Weltkrich war hei eng däitsch Schoul fir Seegelfliger. 1946 gouf de Fluchhafen offiziell ageweit.

1955 gouf d'Haaptpist vun 2000 op 2830 Meter verlängert, an 1975 gouf se nach eng Kéier méi laang gemaach. Haut ass d'Bunn fir ze lande 4.000 Meter laang.

1975 gouf eng nei Aérogare a Betrib geholl, an 1993 gouf en neien, 35 Meter héije Kontrolltuerm opgeriicht.

2003 gouf mat Aarbechte fir eng nei Aérogare, mat ë.a. Uschloss un d'Schinnenetz, ugefaangen. Dës nei Aérogare besteet aus zwéin Terminalen:

  • Terminal A: den Haaptterminal vun der Aérogare gouf de 25. Abrëll 2008 ageweit an den 21. Mee 2008 a Betrib geholl.
  • Terminal B: ass als Annexe zur deemoleger Aerogare gebaut ginn an de 26. Mee 2004 a Betrib gaangen. Nom Check-in an der Haaptaerogare hunn d'Clientë vu méi klenge Lignenavionen (bis zu 50 Passagéieren) dësen Terminal fir den Transfert bei hirem Avion benotzt. Den Terminal B ass vum Terminal A duerch déi al Aerogare getrennt an ass dofir lo so laang zou, wéi déi net ofgerappt ass. Duerno sollen déi zwéin Terminalen duerch eng Passerelle matenee verbonne ginn. [3]

Donieft gëtt et nach den Terminal GAT (General Aviation Terminal) fir d'Offäerdege vun der aviation générale, also net vu Ligneflich, mä vu Privat- oder Firmenavionen. Dësen Terminal leit ofgeleeë vun deenen zwéin aneren am Frachtzentrum vum Fluchhafen. De GAT ass an enger Rekordzäit vun eppes iwwer sechs Méint décidéiert, geplangt a fäerdeg gebaut ginn. D'Inauguratioun war den 1. Februar 2008.[4][5]

[änneren] Frequenzen

  • Luxembourg Tower 118.1 (Kontrolltuerm, bis 2500 Fouss zoustänneg)
  • Luxembourg Approach 118.9 (Radar, ab 2500 Fouss bis 16'500 Fouss, ab 16'500 Fouss ass BELGOCONTROL zoustänneg)
  • Luxembourg ATIS 134.75 (Informatiounen)
  • Luxembourg Ground 121.9 (Buedem)
  • Luxair Handling/Dispatch 131.625
  • Luxair Cargo 131.8
  • Cargolux Handling 131.775
  • Luxembourg General Aviation Handling 121.85

[änneren] Virfäll um Fluchhafen

An de fréie Moiesstonne vum 6. Oktober 2000 koum et zu engem vun de spektakulärste Virfäll an der Letzëbuerger Kriminalgeschicht. Convoyeure vun der Geldtransportfirma Brinks ware grad derbäi, 73 Milliounen LUF (iwwer 1,8 Mio €) an e Fliger vun der Crossair ze lueden, wéi eng Camionette iwwert d'Virfeld gerannt koum. Sechs schwéierbewaffnet a camoufléiert Männer sinn aus der Camionette erausgesprongen an hunn d'Personal forcéiert, sech op de Buedem ze leeën, während de Chauffer vum Geldtransporter mat enger Panzerfauscht a Schach gehale gouf. Ee vun den Täter ass an de Fliger geklommen an huet sechs Geldsäck erausgeholl. Wéi ee vum Personal probéiert huet ze flüchten, huet hie vun zwéin Täter an d'Bee geschoss kritt.

Wéi den Täter mat der Panzerfauschtt sech eng Kéier kuerz vum Geldtransporter ewechgedréint huet, huet de Chauffer vun der Brinkcamionette Vollgas ginn a probéiert ze entkommen. Direkt hunn d'Täter mat enger Kalaschnikow op den Auto geschoss, an déi zwéi Geldbote si blesséiert ginn.

D'Täter sinn doropshi geflücht, mee nëmmen e puer Minutte méi spéit op eng Stroossespär vun der Police getraff. Ouni Virwarnung hunn d'Bandite ronn 36 Mol op déi zwéi Poliziste geschloss (een huet e Sträifschoss um Kapp ofkritt, deen zweete gouf vun engem Querschléier am Bauch getraff). No enger kuerzer Flucht goufen d'Täter um Scheedhaff vun enger Zivillpatrull beabsichtegt an en Accident verwéckelt. Ee vun den Täter konnt esou verhaft ginn, deen aneren ass dervukomm a konnt bis haut nach net gefaasst ginn.

De Kapp vun der Band soll de Marcel Habran gewiescht sinn.

[änneren] Fluchgesellschaften an hir Destinatioune vum Findel aus

[änneren] Passagéierflich

* 1: Saisonal Flich an der Summervakanz
* 2: Saisonal Flich an der Summersaison
* 3: Saisonal Flich an der Wantersaison
* 4: Saisonal Charter-Flich vun Enn Juni bis Enn Oktober
* 5: Flich am Code-Share, operéiert vu Luxair

[änneren] Frachtflich

[änneren] Statistiken

Joer Passagéier Wuerentransport (t) Mouvementer
1946 1.457 – 1.032
1950 6.525 – 3.602
1960 55.591 – 14.125
1970 476.938 – 26.035
1980 670.159 – 54.604
1990 1.072.264 142.956 62.714
2000 1.669.484 499.911 85.511
2009 1.551.315 625.462 81.619
2010 1.630.165 735.307 80.494
Quell: Site vun der Administration de la navigation aérienne PDF

[änneren] Kuckt och

[änneren] Wieder

[änneren] Referenzen

  1. ↑ Quell: http://www.openstreetmap.org/export/embed.html?bbox=6.0622,49.5702,6.2521,49.645&layer=mapnik
  2. ↑ Quell: http://www.openstreetmap.org/?lat=49.62725&lon=6.2101&zoom=13&layers=M
  3. ↑ lux-Airport Terminal B
  4. ↑ gouvernement.lu Inauguration du terminal d’aviation générale
  5. ↑ lux-Airport GAT

[änneren] Um Spaweck

Commons: Fluchhafe Lëtzebuerg – Biller, Videoen oder Audiodateien
Vun „http://lb.wikipedia.org/w/index.php?title=Fluchhafe_Lëtzebuerg&oldid=1320771“
Perséinlech Tools
Nummraim

Varianten
Aktiounen
Navigatioun
Geschirkëscht
An anere Sproochen