Fluchtpunkt
Op engem perspektivesche Bild oder Zeechnung schneiden sech d’Biller vun alle Linnen, déi am Original zoueneen parallel verlafen, an engem kollektive Fluchtpunkt.
Bei der perspektiveschen Ofbildung gi räimlech Objete op enger Fläch, d’Bildfläch, projezéiert. Dat ass zum Beispill bei der fotografeschen Foto de Fall.
Och déi senkrecht Hauskanten sinn parallel Linnen. Allerdéngs läit hire Fluchtpunkt wäit aus dem Bild eraus.
All parallel Fläche schneiden sech an enger vereenten Fluchtlinn. Fir déi waagerecht Fläche vum Bild [1], wéi zum Beispill d’Stroossefläch an d’Stackwierksdecken, ass dat den Horizont. D’Fluchtpunkte vun alle Parallele op enger solcher Fläch leien op dëser Fluchtlinn.
Virun allem bei Gebaier gëtt et zoueneen senkrecht stéiend Linne an dräi Richtunge: Héicht, Breet, Déift. D’Bléckrichtung (Fotorichtung vun der Kamera, Perspektiv) fir eng Foto kann dobäi sou gewielt ginn, datt ee, zwéi oder dräi Fluchtpunkte entstinn. Dëst gëtt als Fluchtpunktperspektiv bezeechent.
D’Perspektiv vun engem Bild féiert de Bléck vum Observateur op de Fluchtpunkt. D’Wal vun der Lag an der Zuel vu Fluchtpunkte vun engem Bild sinn dofir eng wiesentlech Aufgab vum Bildopbau. Fluchtpunkte schafen Dynamik a Raumdéift. Si setzen Akzente a bréngen Objete an de Bléckpunkt vum Observateur.
Geometresch Konstruktioun [änneren]
Ass d’Bildfläch parallel zu enger Objetfläch, wéi bei Gebaifronte, sou huet dës Fläch (genausou wéi all dozou parallel Fläche) hir Fluchtpunkte am Onendlechen. Besonnesch ginn all parallel Linne, déi op enger parallelen Fläch zu der Bildfläch leien, weiderhinn parallel ofgemolt.
Um Spaweck [änneren]
- Thomas Gauck, Fluchtpunktlinien in der Fotografie
- Trigonometrische Berechnung von Fluchtpunkten Duerstellung vum Prinzip
