Fort de Battice

Vu Wikipedia
Wiesselen op: Navigatioun, sichen
Westsäit vun der Festung
Panzergruew
Block II

De Fort de Battice ass eng vun de véier neie Festungen, déi just virum Zweete Weltkrich an der Belsch laanscht déi däitsch Grenz gebaut goufe fir d'Land géint eng däitsch Invasioun ze verdeedegen. E gehéiert zum Lécker Festungsrank ( Position fortifiée de Liège, och nach PLF I ofgekierzt).

De Fort läit um Ostrand vum Plateau de Herve op enger Héicht vun 330 m a 17 km vun der däitscher Grenz ewech. Et war déi notsde Positioun zur däitscher Grenz.

De mëttelsten Deel vun der Festung ass e Fënnefeck, dat op véier Säiten een déiwe Gruef huet fir sech géint Tanksen ze verdeedegen. Well op der enger Säit d'Eisebunnslinn N°38 dolaanscht gaangen ass konnt do kee Gruef ugeluecht ginn. Déi Partie an der Mëtt huet 13,5 ha an d'Fläch vun der ganzer Festung ass 47 ha.

Mam Bau vum Fort ass 1934 ugefaange ginn a beim Ausbroch vum Krich war e nach net fäerdeg.

An der Festung war eng Garnisoun vu 750 Zaldote stationéiert, déi all vun der däitscher Arméi gefaange geholl gi sinn a fir fënnef Joer an Däitschland op de Schluss vum Krich hu misste waarden.

No der belscher Kapitulation huet déi däitsch Arméi d'Festung geschleeft an als Trainingsterrain benotzt.

Kuckt och[änneren | Quelltext änneren]

Commons: Fort Battice – Biller, Videoen oder Audiodateien