Foussball-Europameeschterschaft

Dësen Artikel beschäftegt sech mat de Foussball-Europameeschterschafte vun de Männer. Fir d'Europameeschterschaft vun de Fraen, kuckt Fraefoussball-Europameeschterschaft. Fir aner Bedeitungen, kuckt w.e.g. Europameeschterschaft.

D'Foussball-Europameeschterschaft (Euro oder EM) ass en Turnéier fir Foussball-Nationalequippen vun den nationale Foussballverbänn aus Europa, deen all véier Joer ofgehale gëtt. Organisateur ass den europäesche Foussballverband UEFA. Et gi souwuel Europameeschterschaften fir d'Hären wéi och fir d'Dammen.

[änneren] Wéi a wou gespillt gëtt

Nom offiziellen UEFA-Reglement ass d'Turnéier an eng Vir- an eng Ennronn gegliddert. D'Virronn gëtt eng am Meeschterschaftsmodus ausgedroen, Qualifikatioun mat Hin- a Réckspiller. D'Ennronn gëtt an der Gruppephase an de Finalematcher ausgedroen. Dat, wat UEFA-intern als Ennronn bezeechent gëtt, ass dat eigentlecht vum Ausriichter organiséiert Turnéier vu ronn dräi Wochen a gëtt allgemeng als "Foussball-Europameeschterschaft" bezeechent.

De Gewënner vun der Foussball-Europameeschterschaft ass, genee sou wéi och de Weltmeeschter, d'Ausdroungsland an d'Gewënner vun den anere fënnef kontinentale Concoursen (Afrikameeeschterschaft, Asienmeeschterschaft, Copa América, Gold-Cup an OFC-Natiounen-Pokal) fir dee nächsten Konföderatioune-Pokal qualifizéiert.

D'Recht, d'Foussball-Europameeschterschaft auszeriichte wiesselt permanent a gëtt vun der UEFA no Bewäertung vun de Kandidature verginn. Et spillen 16 Equippe mat, déi sech an der EM-Qualifikatiounsronn qualifizéiert hunn, opgedeelt a véier Gruppen vun all Kéiers véier Equippen.

All Equipe absolvéiert, well an enger Grupp jiddwer Equipe géintenee spillt, dräi Gruppematcher. Déi zwou éischt Equippen aus all Grupp kommen an d'Véierelsfinal, wou den Eliminatiounssystem ufänkt, de Verléierer aus all Match scheet aus. Bei der Euro 2004 huet d'Regel vum Silver Goal gegollt, déi dono awer erëm ofgeschaaft gouf.

D'Lëtzebuergesch Foussballnationalequipe huet un der Virronn vun der EM 1964 deelgeholl. No dem 2:1 (1:1) géint Holland an der Aachtelsfinale, sinn d'Léiwen awer dunn, nodeems se mat 3:3 (2:2) an der Halleffinale géint Dänemark gläich gespillt hunn, am Play-Off-Match mat 0:1 (0:1) ausgescheet.

Den amtéierende Foussball-Europameeschter ass, zënter der leschter EURO 2008, Spuenien.

Déi nächst Foussball-Europameeschterschaft EURO 2012 gëtt a Polen an an der Ukrain ausgedroen.

[änneren] Geschicht

[änneren] Turnéier an Europameeschter

Joer	Ausdroungs-Land	Finale			Spill ëm drëtt Plaz
Joer	Ausdroungs-Land	Europameeschter	Resultat	Zweet Plaz	Drëtt Plaz	Resultat	Véiert Plaz
1960 Detailer	Frankräich	Sowjetunioun	2:1 n.V.	Jugoslawien	Tschechoslowakei	2:0	Frankräich
1964 Detailer	Spuenien	Spuenien	2:1	Sowjetunion	Ungarn	3:1 n.V.	Dänemark
1968 Detailer	Italien	Italien	1:1 n.V.	Jugoslawien	England	2:0	Sowjetunioun
1968 Detailer	Italien	Widderhuelungsmatch: 2:0			England	2:0	Sowjetunioun
1972 Detailer	Belsch	BR Däitschland	3:0	Sowjetunioun	Belsch	2:1	Ungarn
1976 Detailer	Jugoslawien	Tschechoslowakei	2:2 n.V.	BR Däitschland	Holland	3:2 n.V.	Jugoslawien
1976 Detailer	Jugoslawien	5:3 no Eelefmeterschéissen			Holland	3:2 n.V.	Jugoslawien
1980 Detailer	Italien	BR Däitschland	2:1	Belsch	Tschechoslowakei	1:1	Italien
1980 Detailer	Italien	BR Däitschland	2:1	Belsch	9:8 no Eelefmeterschéissen

Joer	Ausdroungs-Land	Europameeschter	Resultat	Zweet Plaz	Halleffinalisten
1984 Detailer	Frankräich	Frankräich	2:0	Spuenien	Dänemark	an	Portugal
1988 Detailer	BR Däitschland	Holland	2:0	Sowjetunioun	Däitschland	an	Italien
1992 Detailer	Schweden	Dänemark	2:0	Däitschland	Holland	an	Schweden
1996 Detailer	England	Däitschland	2:1 n.GG.	Tschechien	England	an	Frankräich
2000 Detailer	Belsch & Holland	Frankräich	2:1 n.GG.	Italien	Holland	an	Portugal
2004 Detailer	Portugal	Griicheland	1:0	Portugal	Tschechien	an	Holland
2008 Detailer	Éisträich & d'Schwäiz
2012 Detailer