François Faber

Vu Wikipedia
Wiesselen op: Navigatioun, sichen
Plack vum François-Faber-Denkmal am Park vun der Stad Lëtzebuerg

De François Faber gebuer de 26. Januar 1887 zu Aulnay-sur-Iton, an op der franséischer Front gefall den 9. Mee 1915 zu Carency[1], war e lëtzebuergesche Vëlosportler.

Dem François Faber säi Papp, de Jean Pierre Faber, war e gebiertege Wëlzer deen a Frankräich ausgewandert war an do als Terrassier geschafft huet.

De François Faber huet 1909 als éischten Net-Fransous den Tour de France gewonnen, wat him an der franséischer Press den Titel Le géant de Colombes abruecht huet. Colombes ass déi Uertschaft, wou en deemools gewunnt huet. Zu Courbevoie, op der Seine, war hien Docker an huet d'Schëffer ofgelueden.
Wéi hie seng éischt Course gewonnen hat, gouf hien an der franséischer Press als Fransous opgelëscht. Hie war tatsächlech seelen zu Lëtzebuerg, an dann ëmmer nëmme fir eng ganz kuerz Zäit, fir seng Pabeieren an d'Rei ze maachen. Hien hat eenzeg an eleng fir d'lëtzebuergesch Nationalitéit optéiert fir net an d'franséisch Arméi brauchen ze goen.

Am Ganzen huet de François Faber 19-mol eng Etappe vum Tour de France gewonnen. 1908 an 1910 gouf en Zweeten beim Tour. Aner Courssen, déi e gewonnen huet, waren den Tour vun der Lombardei (1908), d'Course Paräis - Roubaix, (1913), Paräis - Tours (1909, 1910), Paräis - Bréissel (1909) a Bordeaux - Paräis (1911).

De François Faber ass mat nëmmen 28 Joer am Éischte Weltkrich op franséischer Säit als Zaldot vun der Friemelegioun gefall, zwéin Deeg nodeems en d'Noriicht krut datt seng Fra Eugénie säin eenzegt Kand, e Meedchen, op d'Welt bruecht hat. Säi Graf ass an der Nekropol Notre-Dame-de-Lorette, dem gréisste franséische Militärkierfecht zu Ablain-Saint-Nazaire am Departement Pas-de-Calais.[2].

Gielercher

  • Cité à l’ordre de la division avec croix de guerre 1914 – 1918.
  • Médaille militaire à titre posthume am Journal officiel vum 24. Mee 1922.

Palmarès

1906 (Labor)

1907 (Labor)

1908 (Peugeot)

1909 (Alcyon)

  • 1. am Tour de France 1909 an huet folgend Etappen gewonnen:
    • Etapp 2: Roubaix - Metz
    • Etapp 3: Metz - Belfort
    • Etapp 4: Belfort - Lyon
    • Etapp 5: Lyon - Grenoble
    • Etapp 6: Grenoble - Nice
    • Etapp 10: Bayonne - Bordeaux

1910 (Alcyon)

1911 (Alcyon)

1912 (Automoto)

1913 (Peugeot (F)& Safir (B)

1914 (Peugeot-Wolber)

Literatur zum Thema

Kuckt och

Um Spaweck

Referenzen

  1. Deeselwechten Dag ass och op der Front zu Saint-Éloi nach e Lëtzebuerger mat deemselwechten Numm gefall, an zwar de François Faber gebuer zu Beggen de 17. Februar 1892, am Rang vun engem Kaperol.
  2. Luxemburger Wort vum 11. Juli 2014, S. 36-37: 100 Jahre nach Ausbruch des Ersten Weltkriegs: Tour gedenkt gefallenen Helden

Quellen

Commons: François Faber – Biller, Videoen oder Audiodateien