Franz Seimetz
De Fran(t)z Seimetz, gebuer den 21. Abrëll 1858 zu Gréiwemaacher, a gestuerwen de 26. Oktober 1934 an der Stad Lëtzebuerg, war e lëtzebuergesche[1] Moler an Auteur.
Inhaltsverzeechnes |
Liewen [änneren]
Säin éischt Uelegbild huet hie mat 16 Joer gemoolt et ware Blummen, säin éischte Portrait war den deemolege Maacher Dechen. Säin Erfolleg hat hien wéi en e Gréiwemaacher Charakterkapp gemoolt huet. Et huet hie mat dem Mäerterter Schlasshär D.-Antoine Pescatore a Kontakt bruecht, deen de Seimetz an d'Ausland geschéckt huet. Nodeem hie bei engem Bréisseler Moler geschafft huet, goung hien op d'Kunstakademie zu München an op d'École des beaux arts zu Paräis. 1881 koum hien op Lëtzebuerg zréck. Hien huet Portraiten a Landschafte gemoolt. 1887 fiert hien an d'USA. Zwee Joer war hien zu Dubuque. Vun do aus ass hie 6 Méint laang op engem Hausboot um Mississipppi gefuer. Doriwwer schreift hien a sengem Feuersalamander [2]. Da reest hien och nach op d'Antillen, a Mexiko an a Kanada. Hie kënnt mat ville Biller, Erfahrungen an Enttäuschungen 1896 op Lëtzebuerg zréck.
Den 13. Juli 1897 bestit hie sech mat der Joffer Marie-Antoinette Bourger vun Arel, hire Papp war Zeecheprofesser. Déi jonk Koppel huet fir d'éischt zu Bouferdeng bei der Famill Pescatore gewunnt, duerno an der Märelerstrooss zu Lëtzebuerg. Ëmmer erëm huet et si an d'Friemt gezunn. Sou ware si zu München, am Elsass an an Italien. 1902 plënnere si op Iechternacherbréck an 1916 op Iechternach, do wou de Franz Seimetz wahrscheinlech seng schéinste Biller gemoolt huet. 1923 komme si op Lëtzebuerg zréck.
D'Krankheet huet hien net vergiess, hie krut Problemer mat den Aen. Hien huet an där Zäit déi 4 Bännecher vum Feuersalamander geschriwwen.
Hie stierft de 26. Oktober 1934.
Wierk vum Moler (Auswiel) [änneren]
Auswiel vu Biller aus engem Buch vum Robert Stumper:[3]
- 1885 Michel Rodange
- 1885 Michel Engels
- 1888 Philippe Servais
- 1890 Mexikanische Kirche
- 1891 Amerikanische Tannen
- 1892 Frau im Lehnstuhl
- 1892 Mississippi
- 1895 Coast of Main
- 1897 Kannerportrait
- 1898 Petrustal
- 1899 Alzette
- 1898 Madame Seimetz, geb. Bourger
- 1900 Schlafender Mönch
- 1900 Der Schutzengel
- 1901 Betender Geistlicher
- 1901 Der Prälat
- 1904 Assisi mit Rocca
- 1905 Echternach, Sack a Kack
- 1905 Sosthène Weis
- 1907 Waldallee
- 1910 Selbstportrait
- 1910 Bauernhof auf Rügen
- 1915 Hallerbach
- 1916 Waldweg
- 1917 Brücke in Echternach
- 1919 Lesende Frau
- 1920 Blumenstück
- 1920 Sanddüne bei Arlon
- 1920 Alte Weide am Weiher
- 1922 Italienischer Greis
- 1922 Mädchenkopf (Mme Beckius)
- 1928 Kockelscheuer
- 1932 Blühender Apfelbaum
Wierk vum Auteur [änneren]
- Seimetz, Frantz, 1931-1934. Der Feuersalamander : Einfälle und Ausfälle. 4 Vol. Linden & Hansen, Luxemburg.[4]
Auszeechnungen [änneren]
Nom Frantz Seimetz genannt [änneren]
- Eng Strooss an der Gréiwemaacher: Rue Frantz-Seimetz;
- eng Strooss an der Stad Lëtzebuerg: Rue Frantz-Seimetz.
Literatur [änneren]
- Anonym, 1963. Étapes de la peinture luxembourgeoise. 19e siècle : [Exposition] du 1er au 16 juin 1963. Musée d'histoire et d'art, Luxembourg. Impr. Linden, Luxembourg. [Folgend Artiste gi behandelt: Jean-Baptiste Fresez, Mathieu Kirsch, Hilaire Kreins, Jacques Sturm, Jean-Nicolas Bernard, Nicolas Liez, Jean-Auguste Marc, Pierre Brandebourg, Michel Sinner, Michel Engels, Michel Weyler, Frantz Seimetz, Thérèse Glaesener-Hartmann, Ferdinand d'Huart, Jean-Pierre Huberty, Alphonse Jungers, Dominique Lang
- Hermes, Monique, 1984. Frantz Seimetz. Dem ‘Sohn der Stadt Grevenmacher’ zum 50. Todesjahr. Die Warte, 13. Dezember 1984. Luxemburg.
- Seimetz, Frantz, 1974. Der Feuersalamander (im Spiegel seiner Heimatstadt Grevenmacher). 111 p. Publications mosellanes, Schwebsange. [Von Pierre Hauffels in Zusammenarbeit mit Martin Gerges neu geordnet und kommentiert]
- Stumper, Robert, 1973. Frantz Seimetz: Ein Künstlerleben. Les publications mosellanes, Schwéidsbengen.
Kuckt och [änneren]
Um Spaweck [änneren]
| Commons: Franz Seimetz – Biller, Videoen oder Audiodateien |
