Gérard Lopez
De Gérard Lopez, gebuer de 27. Dezember 1971 an der Stad Lëtzebuerg,[1] ass e spuenesche Manager.[2] Hien ass zu Esch-Uelzecht opgewuess.
Op der Miami University zu Oxford am US-amerikanesche Bundesstaat Ohio huet hien Entrepreneuriat studéiert.
Ufanks huet hie bei Icon Solutions geschafft, duerno, vun 1995 bis 1998 fir eng e-Finanz-Gesellschaft.[3]
2000 war hie Matgrënner an ass zënterhier geschäftsféiernden Associé vun der Investment-Gesellschaft Mangrove Capital Partners S.A.[4] mat Sëtz an der Stad Lëtzebuerg. Mangrove ass bekannt dofir, ë. a. zu de fréien Investisseure bei der Gesellschaft Skype ze zielen.
Zënter 2008 ass hie President vum Verwaltungrot[5] vun der Investment-Gesellschaft Genii Capital S.A. mat Sëtz an der Gemeng Hesper. Am Dezember 2009 huet Genii Capital 75% vun de Parte vum Formel 1 Team vu Renault ofkaf.[6]
Hien ass President vum Foussballclub CS Fola Esch.
Referenzen [änneren]
- ↑ Mémorial C — N° 1960 vum 8. Oktober 2009, S. 94059
- ↑ Gérard Lopez pilotera bien Renault F1, Le Quotidien Online vum 17. Dezember 2009: "Né à Luxembourg le 27 décembre 1971 et de nationalité espagnole, Gérard Lopez a grandi à Esch-sur-Alzette"
- ↑ Jonathan Noble: "Profile: Genii's Gerard Lopez" op autosport.com, 16.12.2009.
- ↑ Mémorial C — N° 286 vum 15. Abrëll 2000, S. 13682
- ↑ Mémorial C — N° 2410 vum 2. Oktober 2008, S. 115665
- ↑ "Renault agrees sale of 75% stake in its F1 team." Financial Times, 17. 12. 2009.
