Gale (Marskrater)

Vu Wikipedia
Wiesselen op: Navigatioun, sichen
D'Landegebitt vum Curiosity am Nordweste vum Gale-Krater, Aeolis Palus, wäiss agefaasst (HRSC-Daten)
Eegeschaften
Breet -5.4
Längt 137.8
Duerchmiesser 154 km
Alter 3,5 – 3,8 Milliarden
Eponym Walter Frederick Gale

De Gale ass en Aschlagkrater um Planéit Mars. Säin Duerchmiesser ass ongeféier 154 km a säin Alter gëtt op 3,5 bis 3,8 Milliarde Joer geschat. Säin Numm krut hien vum australeschen Astronom Walter Frederick Gale.

Lag[änneren | Quelltext änneren]

De Krater läit südlech vum Flaachland Elysium Planitia, seng Koordinate si 5,4° Süd an 137,8° Ost. Den Aeolis Mons, (och Mount Sharp genannt) de Bierg an der Mëtt vum Krater ass 5,5 km héich.

Fuerschung[änneren | Quelltext änneren]

Den 22. Juli 2011 gouf bekannt gemaach, datt Gale als Landeplaz fir de Marsrover Curiosity ausgewielt gouf. D'Landung ass no engem Fluch vu ronn néng Méint de 6. August 2012 um 5:31 UTC gelongen. Et erwart een, am Krater verschidde Sedimenter a Gestengsschichten ënnersichen ze kënnen. Sou soll ënner anerem och no méigleche Spure vu Liewe gesicht ginn. Och soll de geologeschen Opbau vum Mars a säi Klima méi genee erfuerscht ginn. D'Missioun erwaart sech och nei Erkenntnesser fir d'Virbereedung vu spéidere bemannte Landungen um Mars.

Säitenunsiicht op de Krater mat Héichteniwwerzeechnung
Animatioun vum Krater mat der geplangter Streck vum Curiosity (Englesch)

Kuckt och[änneren | Quelltext änneren]

Saturn 01.svg Portal Astronomie


Um Spaweck[änneren | Quelltext änneren]

Commons: Gale-Krater – Biller, Videoen oder Audiodateien