Gare Lëtzebuerg

Vu Wikipedia
Wiesselen op: Navigatioun, sichen
Gare Lëtzebuerg
Gare-Letz---w.jpg
CFL-Linn(en) 10, 30, 50, 60, 70
P.K. 0
Quaien 9
Gleiser 10
Uertschaft Lëtzebuerg
Gemeng Lëtzebuerg
Kanton Lëtzebuerg
Park & Rail-Parking Jo
Parkplaze fir Leit mat r. Mobilitéit Jo
Koordinaten Gnome-globe.svg49° 35’ 56’’ N
     6° 7’ 58’’ O
Websäit CFL.lu

D'Gare vu Lëtzebuerg ass eent vun den imposantste Gebaier vun der Stad Lëtzebuerg an déi gréisst Gare vu Lëtzebuerg.

D'Gebai[änneren | Quelltext änneren]

No der Gare ass och e Quartier genannt, de Garer Quartier. Eng Foussgängerbréck iwwer d'Schinnen nieft der Gare verbënnt de Garer Quartier direkt mat Bouneweg.

Baugeschicht[änneren | Quelltext änneren]

D'Gare gëtt et op där Plaz zanter 1859. De Grondsteen dofir gouf den 30. Oktober 1858 geluecht[1] an no manner wéi engem Joer, de 4. Oktober 1859, gouf se ageweit.[2] D'Wiel vun der Plaz gouf vun der preisescher Militärverwaltung beaflosst. De Gouverneur vun der Festung war dogéint datt d'Befestegungsmauere sollten opgebrach gi fir Eisebunnsgleiser an d'Festung eran ze leeën. Dofir gouf d'Gare op (deemolegem) Hollerecher Territoire gebaut. D'Gebai huet och missen aus Holz gebaut ginn, fir am Fall vun enger Belagerung kënnen ofgebrannt ze ginn, fir datt keng feindlech Truppe sech dra kéinte verstoppen.

Bis zum Franséisch-Preisesche Krich vun 1870-1871 huet d'Gebai (an d'Eisebunn) der Compagnie de l'Est gehéiert. Duerno ass d'Gestioun un d'Elsass-Lothringische Reichsbahngesellschaft iwwergaangen.

Dat haitegt Gebai gouf tëscht 1907 an 1913 am neobarocke Stil, "Miseler Barock" genannt, gebaut. D'Pläng ware vum däitschen Architekt Alexander Rüdell. Si goufe vum Baurat Karl Jüsgen ausgefouert.

Vis-à-vis vun der Entrée ass eng grouss Fënster aus faarwegem Glas, op där eng stiliséiert Panoramavue vun der Alstad, mam Tuerm vun der Spuerkeess an der Neier Bréck, ze gesinn ass.[3]

Op der Säit vun der Gare ass e Pavillon, dee mat dem Haaptgebai duerch eng Arkade verbonnen ass, an deen als groussherzoglech Salle d'attente benotzt gouf. Haut ass e Bistro an deem Pavillon.

1936-1938 goufen éischt Moderniséierungsaarbechten ausgeféiert.

1944 war d'Gebai d'Zil vun dräi Bombardementer vun alliéierte Fligerstaffele bei deenen 128 Mënschen ëm d'Liewe komm sinn. Um zentrale Gebai war nëmme klenge Schued entstanen, d'Atelieren op där anerer Säit waren awer komplett zerstéiert ginn.

1963 ass d'Agangshal bei Geleeënheet vum Millénaire vun der Stad nei amenagéiert ginn.

An de Joren 1974 - 1978 ginn, nodeem d'Postguicheten eraus geplënnert sinn, déi fräi Fläche fir aner Zwecker benotzt (z. B. Empfang fir Expressfracht a Gepäckconsigne). De Verkaf vun Ticketen ass an de Säitegank verluecht ginn. Déi éischt Geschäfter hu sech an der Agangshal etabléiert.

1990/91 goufen d'Guichete fir den Ticketsverkaf duerch méi e moderne Verkafszentrum ersat.

D'Molereien um Plafong goufen, am Kader vu Renovéierungsaarbechten am Joer 1995, vum Armand Strainchamps entworf.

Vun 2006 - 2012 goufe verschidde Renovéierungsaarbechten ausgefouert fir der Steigerung vum Eisebunnsverkéier nozekommen.

Den 21. September 2012 gouf, zum 100. Anniversaire vun der Gare, de gliesen Hall des voyageurs, südlech vum Zentralgebai, vum Groussherzog Henri ageweit.[4]

Vue iwwer d'Quaien

Gleisanlagen[änneren | Quelltext änneren]

D'Stater Gare huet 9 Gleiser déi fir de Persounentrafic accessibel sinn. D'Gleiser 1 an 2, déi den Terminus vun der Klengbettener Streck sinn, gi well se duerno weider an d'Belsch féieren, grad sou wéi Streck Sterpenech-Namur mat Gläichstroum vun 3 kV alimenteiert, . D'Gleiser 5 bis 10 an den Triage si mat 25 kV Wiesselstroum elektrifizéiert, grad wéi de Rescht vun de lëtzebuergesche Strecken. D'Gleiser 3 a 4 kënnen tëscht 3 kV an 25 kV ëmgeschalt ginn, wat virun allem fir den EuroCitybetrib wichteg ass. Dat fréiert Gleis 6, iwwer dat fréier Gidderzich duerch d'Gare gefuer sinn, gouf am Kader vun de Renovatiounsaarbechte liquidéiert.

Zuchlinnen[änneren | Quelltext änneren]

National[änneren | Quelltext änneren]

Regionalzuch Nächst Halt A Richtung
  RB
CFL-Linn 10
  Dummeldeng Ettelbréck / Wolz
  IR
CFL-Linn 10
  Miersch Ëlwen / Gouvy / Dikrech
  RB
CFL-Linn 30
  Zens-Hamm Waasserbëlleg
  RB
CFL-Linn 50
  Bartreng-Stroossen Klengbetten
  RB
CFL-Linn 60
  Bierchem Rodange / Attem
  RE
CFL-Linn 60
An der Woch
  Beetebuerg Rëmeleng
  RE
CFL-Linn 60
An der Woch
  Beetebuerg Wuelmereng
  RE
CFL-Linn 60
An der Woch
  Beetebuerg Däitsch-Oth
  RB
CFL-Linn 70
  Hollerech Rodange

International Verbindungen[änneren | Quelltext änneren]

Aus Richtung Halt virdrun International Nächst Halt A Richtung
Bréissel-Midi Arel   IC J   Terminus Terminus
Liers / Léck Miersch   IR m   Terminus Terminus
Bréissel-Midi Arel   EC Vauban   Diddenuewen Chur
Bréissel-Midi Arel   EC Iris   Diddenuewen Zürich
Bréissel-Midi Arel   EC Jean Monnet   Diddenuewen Basel
Terminus Terminus   TER   Beetebuerg Nanzeg
Terminus Terminus   TER   Hollerech Lonkech / Longuyon
Terminus Terminus   TER   Diddenuewen Basel
Terminus Terminus   TGV   Diddenuewen Paräis
Terminus Terminus   Lunéa
Um Weekend an am Summer
  Diddenuewen Nice
Terminus Terminus   Lunéa
Um Weekend an am Summer
  Diddenuewen Portbou / Cerbère
Terminus Terminus   RE
  Waasserbëlleg Tréier
Terminus Terminus   IC   Waasserbëlleg Koblenz / Norddeich / Emden

Chef de Garen[änneren | Quelltext änneren]

Literatur[änneren | Quelltext änneren]

  • CFL, 2012. 100 Joer Gare Lëtzebuerg. 1912-2012: Eine einzigartige Zeitreise. Éditions Guy Binsfeld, 324 S. ISBN 978-2-87954-256-0
  • Lobo, Paulo, 2011. 12 Bemerkenswerte Gebäude in Luxemburg: 5. Der Hauptbahnhof Luxemburg. S. 50-59, Luxédit, ISBN 978-99959-733-0-8
  • Jüsgen, 1924. Deutsche Eisenbahnhochbauten in Luxemburg. In: Zentralblatt der Bauverwaltung Nr 29 vum 16. Juli 1924, Verlag: Guido Hackebeil Akt.-Ges, Berlin, Ss. 241-244. (Link op d'pdf-Dokument)

Kuckt och[änneren | Quelltext änneren]

Um Spaweck[änneren | Quelltext änneren]

Commons: Gare Lëtzebuerg – Biller, Videoen oder Audiodateien

Referenzen[änneren | Quelltext änneren]

  1. Artikel Die Grundsteinlegung am Luxemburger Wort Nr 101 vum 4. November 1858, S.1 (Link)
  2. Artikel Die Inauguration unserer Eisenbahnen am Luxemburger Wort Nr 80 vum 6. Oktober 1859, S. 1 (Link)
  3. Service des Sites et monuments nationaux: Luxembourg: Gare
  4. "CFL: Neien "Hall des Voyageurs" um Freideg ageweit." RTL.lu - 21.09.2012, 07:30 | Fir d'lescht aktualiséiert: 21.09.2012, 18:56.


Garen op der Linn 10 / Nordstreck

Lëtzebuerg - Dummeldeng - Walfer - Heeschdref - Luerenzweiler - Lëntgen - Miersch - Kruuchten - Kolmer-Bierg - Schieren - Ettelbréck - Méchela - Giewelsmillen - Kautebaach - Wëlwerwolz - Draufelt - Klierf - Maulesmillen - Ëlwen
Kuckt och: Gare · Rangéiergare · Linn 30 · Linn 60 · Linn 60 / Rëmeleng · Linn 60 / Wuelmereng · Linn 70 · Linn 80 · InterRegio m


Garen op der Streck Lëtzebuerg - Waasserbëlleg / Linn 30

Lëtzebuerg - Zens-Hamm - Sandweiler-Konter - Éiter - Mënsbech - Rued - Betzder - Wecker - Manternach - Mäertert - Waasserbëlleg
Kuckt och: Gare · Rangéiergare · Linn 10 · Linn 60 · Linn 60 / Rëmeleng · Linn 60 / Wuelmereng · Linn 70 · Linn 80 · InterRegio m


Garen op der Streck Lëtzebuerg - Klengbetten / Linn 50

Lëtzebuerg - Bartreng-Stroossen - Mamer Lycée - Mamer - Kapellen - Klengbetten
Kuckt och: Gare · Rangéiergare · Linn 10 · Linn 30 · Linn 60 · Linn 60 / Rëmeleng · Linn 60 / Wuelmereng · Linn 70 · Linn 80 · InterRegio m · InterCity J


Garen op der Linn 60

Lëtzebuerg - Beetebuerg: Lëtzebuerg - Bierchem - Beetebuerg
Beetebuerg - Wuelmereng: Beetebuerg - Bireng - Diddeleng-Stad - Diddeleng-Zenter - Diddeleng-Schmelz - Wuelmereng
Beetebuerg - Péiteng: Beetebuerg - Näerzeng - Schëffleng - Esch - Belval-Université - Belval Lycée - Belval-Réideng - Bieles-Zolwer - Uewerkuer - Déifferdeng - Nidderkuer - Péiteng
Antenn Rëmeleng: Näerzeng - Keel - Téiteng - Rëmeleng
Antenn Däitsch-Oth: Esch - Däitsch-Oth
Kuckt och: Gare · Rangéiergare · Streck Lëtzebuerg - Péiteng · CFL-Linn 60 · CFL-Linn 30


Garen op der Streck Péiteng - Lëtzebuerg / Linn 70

Péiteng - Nidderkäerjeng-Suessem - Schuller - Dippech-Reckeng - Leideleng - Hollerech - Lëtzebuerg
Kuckt och: Gare · Rangéiergare · Linn 10 · Linn 30 · Linn 60 · Linn 60 / Rëmeleng · Linn 60 / Wuelmereng · Linn 80 · InterRegio m