Gemini-Programm

Vu Wikipedia, der fräier Enzyklopedie.
Wiesselen op: Navigatioun, sichen
De Gemini-Logo
Titan II-Rakéit beim Start vun Gemini 9
Astronautegruppen 1 an 2
Astronautengrupp 3
Gemini-Raumschëff
Agena-Zilsatellit

De Gemini-Programm war nom Mercury-Programm den zweete bemannte Raumfaartprogramm vun den USA. Zil vum Gemini-Programm war d'Entwéckele vu Methoden an Technologie fir den Apollo-Programm. A sengem Kader goufen 1965 an 1966 zéng bemannt Raumflich gemaach, bei deenen d'Astronauten ënner aneren déi éischt amerikanesch Baussebordasätz trainéiert hunn.

Inhaltsverzeechnes

D'Strategie[änneren]

Gemini gouf aus der Nout gebuer, woubäi et der NASA méiglech war, doraus eng Dugend ze maachen. No der Astellung vun de Mercury-Flich, dat war relativ kloer, géif e Lach vun dräi bis véier Joer entstoen, bis d'Apollo-Missiounen ufänke géifen. Wäertvoll Joren, déi dréngend gebraucht géifen, fir déi erfuerderlech Technologien, z. B. Kopplungsmechanismen, Liewenserhalungssystem, EVA-Kostümer asw., auszeprobéieren. Aus dësem Grond war ufanks geplangt, de Mercury-System zu engem Raumschëff fir zwéi Mann ëmzebauen, genannt Mercury Mark II. De Virdeel hätt doran geleeën, duerch Réckgrëff op bestoend Technik Entwécklungskäschten ze spueren an d'Zäit bis zum Ufank vum bemannten Apollo-Fluchprogramm sënnvoll iwwerbrécken ze kënnen. Déi wesentlech Verännerungen hätten am Abau vun engem zweete Sëtz, der Montage vun enger leeschtungsstaarker Manövréiereenheet an dem Asaz vun enger schonns existéierenden Uewerstuf als Docking-Attrappe bestanen.

Gemini steet am Laténgeschen fir d'Stärebild Gemini (Zwilling), woumat den Numm op dat zweesëtzegt Raumschëff an d'Rendezvous-Manöver Bezuch hëllt. Offiziell krut de Programm säi Numm den 3. Januar 1962, nodeem am Dezember 1961 ëm Virschléi gefrot gouf. Den Numm Gemini gouf vun zwou Persoune virgeschloen.

D'Astronauten[änneren]

Fir d'Ënnerstëtzung vun deenen schonns ausgebillten Mercury-Astronauten hat d'NASA sech den 18. Abrëll 1962 entschloss, fënnef bis zéng nei Astronauten ze rekrutéieren, wourop sech 253 Kandidate gemellt hunn.

De 17. September 1962 gouf d'Grupp 2, bestoend aus néng Astronauten, der Ëffentlechkeet virgestallt. Dëst waren Neil Armstrong, Frank Borman, Charles Conrad, James Lovell, James McDivitt, Elliott See, Thomas Stafford, Edward White an John Young.

D'Auswiel vun der drëtten Astronautegrupp hat de 5. Juni 1963 mat einer weideren Ausschreiwungen ugefaangen. D'NASA huet déi 14 erfollegräichst Kandidaten den 18. Oktober 1963 virgestallt: Edwin Aldrin, William Anders, Charles Bassett, Alan Bean, Eugene Cernan, Roger Chaffee, Michael Collins, Walter Cunningham, Donn Eisele, Theodore Freeman, Richard Gordon, Russell L. Schweickart, David Scott an Clifton Williams.

Domat war d'Zuel vun den aktive Astronauten fir d'Programmer Gemini an Apollo op 27 geklomm, well d'Mercury-Astronauten Glenn, Carpenter an Slayton aus verschiddene Grënn fir d'Gemini-Programm net zur Dispositioun stongen.

Den Theodore Freeman war den 31. Oktober 1964 bei engem Fligerongléück gestuerwen. Elliot See und Charles Bassett, déi als Crew fir d'Gemini 9 virgesi waren, koumen den 28. Februar 1966 och bei engem Fligerofstuerrz ëm d'Liewen. Den Virgil Grissom, den Edward White an den Roger Chaffee sinn de 27. Januar 1967 bei der Apollo-1-Katastroph gestuerwen, an de Clifton Williams war de 5. Oktober 1967 verongléckt.

Bemannt Missiounen[änneren]

Missioun Start Landung Dauer Crew Ziler Bemierkung
Gemini 3
Gemini3.png
 23. Mäerz 1965 23. Mäerz 1965 4h 52min Virgil Grissom,
John Young		 éischten 2-Mann-Fluch vun der USA  
Gemini 4
Gemini4-Patch.png		 3. Juni 1965 7. Juni 1965 4d 1h 56min James McDivitt,
Edward H. White		 éischte Baussebordasaz (White) vun der USA  
Gemini 5
Gemini5insignia.png		 21. August 1965 29. August1965 7d 22h 55min Gordon Cooper,
Charles Conrad		 Aussetzen a Rendezvousmanöver mat engem matgefouerten Zilsatellit  120 voll Äerdëmrondungen
Gemini 6
Gemini-6-patch.png		 15. Dezember 1965 16. Dezember 1965 1d 1h 51min Walter Schirra,
Tom Stafford		 Rendezvous mat Gemini 7 Dee fir Oktober 1965 geplangte Rendezvous mam onbemannten Agena-Satellit gouf gestrach, well deem seng Drorakéit nom Start explodéiert war.

De Start vu Gemini 6 gouf op den Dezember, nom Start vu Gemini 7, verréckelt. Dee Fluch ass och ënnert der Nummer 6-A gelaf.
Gemini 7
Ge07Patch orig.png		 4. Dezember 1965 18. Dezember 1965 13d 18h 35min Frank Borman,
James A. Lovell		 Fluch deen zwou Wochen dauert, Rendezvous mat Gemini 6, deen e puer Deeg no Gemini 7 gestart gouf. Missiounszil: Noweis fir d'Realiséiere vun engem Raumfluch dee 14 Deeg dauert  
Gemini 8
Ge08Patch orig.png		 16. Mäerz 1966 17. Mäerz 1966 10h 41min Neil Armstrong,
David Scott		 Kopplung mam GATV-Zilsatellit Problemer mat der Steierung, d'Raumschëff geréit während der Kopplung mat der Agena a Rotatioun, Fluch ofgebrach
Gemini 9
Ge09Patch orig.png		 3. Juni 1966 6. Juni 1966 3d 21min Tom Stafford,
Eugene Cernan		 Rendezvous mam ATDA-Zilsatellit Geplangt Kopplung goung schief, well d'Verkleedung vum Zilsatellit sech net geléist hat
Gemini 10
Ge10Patch orig.png		 18. Juli 1966 21. Juli 1966 2d 22h 47min John Young,
Michael Collins		 Kopplung mam GATV-Zilsatellit éischt Kopplung mam Zilsatellit a Gebrauch vum Undriff vum frieme Raumkierper
Gemini 11
Gemini 11 patch.png		 12. September 1966 15. September 1966 2d 23h 17min Charles Conrad,
Richard Gordon		 Kopplung mam GATV-Zilsatellit  
Gemini 12
Gemini 12 insignia.png		 11. November 1966 15. November 1966 3d 22h 35min James A. Lovell,
Edwin Aldrin		 Kopplung mam GATV-Zilsatellit bis dohi längste Baussebordasaz mat 5,5 Stonnen

Mat der Landung vu Gemini 12 de 15. November 1966 an noodeems de Gemini-Büro den 1. Februar 1967 zougemaach gouf, war de Gemini-Programm fäerdeg.

Technesch Daten[änneren]

Gemini-Raumschëff bei de Startpréparatioun

Gemini-Raumschëff[änneren]

Wmerge3.svg  Haaptartikel zu dësem Thema : Gemini-Raumschëff 

D'Landekapsel vum Gemini-Raumschëff war 5,8 Meter laang an hat en Duerchmiesser vun dräi Meter. D'Luken konnten während dem Openthalts am Weltraum op an zougemaach ginn, sou datt Aktivitéiten baussescht dem Raumschëff méiglech waren. E spezielle Kopplungsmodul war fir d'Undockmanöver virgesinn. D'Mass vun der Landekapsel ass ronn 3.800 kg schwéier. Et war fir d'éischt datt bei einem Raumschëff eng Polymerelektrolytbrennstoffzell als primär Energieversuergung agesat gouf. Net nees opluedbar Batterie waren nëmme fir den Neesantrëtt an d'Atmosphär a fir Noutfäll geduecht. Et war och fir d'éischt datt e Bordcomputer, de Gemini Digital Computer, fir d'Ënnerstëtzung vun der Besatzung bei Berechnungen agesat gouf. De Computer aus 5 Platinne mat 510 Modulen hat e Späicher vu nëmmen 4086 Befeelswieder vu jee 39 Bit Längt. Well sech dësen als ze kleng erausgestallt hat gouf hie vu Gemini 8 un duerch e Magnéitbandlafwierk ergänzt, dat d'Späicherkapazitéit op dat siewefacht vergréissert huet.[1]

Seriennummeren vun de Rakéiten[änneren]

Gemini 6 während dem Rendezvous mat Gemini 7

Wéi d'Mercury-Redstone- an Mercury-Atlas-Rakéiten virun hinnen, gouf och d'Gemini-Titan-Rakéite vun der NASA iwwer d'United States Air Force geuerdert a waren eigentlech Rakéiten, déi fir militäresch Asätz geduecht waren. D'Air Force war fir de Startkomplex 19 op der Cape Canaveral Air Force Station verantwortlech an hat all Gemini-Starte virbereet an ausgeféiert. Dofir haten déi éischt an zweet Stuf och Seriënummere vun der US-Air Force. Si waren op jee géigeniwwerleiende Säiten um ënneschten Enn vun der Stuf ubruecht. Well d'Rakéiten am Joer 1962 bestallt goufen, sollt eng Serienummer eigentlech der Virlag 62-12XXX nokommen. Op de Stufe vun der Titan II war awer nëmmen 12XXX vermierkt.

  • 12556 – GLV-1 – Gemini 1
  • 12557 – GLV-2 – Gemini 2
  • 12558 – GLV-3 – Gemini 3
  • 12559 – GLV-4 – Gemini 4
  • 12560 – GLV-5 – Gemini 5
  • 12561 – GLV-6 – Gemini 6–A
  • 12562 – GLV-7 – Gemini 7
  • 12563 – GLV-8 – Gemini 8
  • 12564 – GLV-9 – Gemini 9A
  • 12565 – GLV-10 – Gemini 10
  • 12566 – GLV-11 – Gemini 11
  • 12567 – GLV-12 – Gemini 12
  • 12568 – GLV-13 Bestallt vun der NASA 1962, ofbestallt den 30. Juli 1964 / net gebaut
  • 12569 – GLV-14 Bestallt vun der NASA 1962, ofbestallt den 30. Juli 1964 / net gebaut
  • 12570 – GLV-15 Bestallt vun der NASA 1962, ofbestallt den 30. Juli 1964 / net gebaut

Referenzen[änneren]

  1. ↑ Bernd Leitenberger: Das Gemini Programm S.22

Kuckt och[änneren]

Saturn 01.svg Portal Astronomie

Literatur[änneren]

Däitschsprocheg Literatur ass gekennzeechent

NASA-Mission-Reports[änneren]

Allgemeng[änneren]

  • Carl R. Green: The Gemini 4 Spacewalk Mission; Myreportlinks.com, 2004; ISBN 0-7660-5163-3
  • David M. Harland: How NASA Learned to Fly in Space: An Exciting Account of the Gemini MissionsM Apogee Books, 2004; ISBN 1-894959-07-8
  • Helen Zelon: The First America Space Walk: The Gemini IV Mission; PowerKids Press, 2002; ISBN 0-8239-5771-3
  • David J. Shayler: Gemini; Springer-Verlag Telos, 2001; ISBN 1-85233-405-3
  • Diane M. und Paul P. Sipiera: Project Gemini; Children’s Press, 1997; ISBN 0-516-20441-6
  • (de) Divers: Menschen zum Mond – Gemini 4 und Gemini 6/7; Inter-Pathé-Film Ing. Paul Schmitt GmbH + Co KG; ISBN 3-89396-119-4
  • (de) Bernd Leitenberger: Das Gemini Programm: Technik und Geschichte; 3., erweidert Oplo. Books on Demand, Norderstedt 2010, ISBN 978-3-83914-7-986.

DVDs[änneren]

  • (de) Das NASA Programm – Das Gemini Programm; ASIN B0006SWIDI

Um Spaweck[änneren]

Commons: Gemini-Projekt – Biller, Videoen oder Audiodateien
Vun „http://lb.wikipedia.org/w/index.php?title=Gemini-Programm&oldid=1557656“