Gielen Trikot
Vu Wikipedia, der fräier Enzyklopedie.
 |
Dësen Artikel ass eréischt just eng Skizz. Wann der méi iwwer dëst Thema wësst, sidd der häerzlech invitéiert, aus dëse puer Sätz e richtegen Artikel ze schreiwen. Wann dir Hëllef braucht beim Schreiwen, da luusst bis an d'FAQ eran. |
De Gielen Trikot (fr. maillot jaune) ass en Trikot deen a verschiddene Vëloscoursse vun deem Coureur gedroe gëtt deen am Generalklassement den Éischten ass. De bekannteste gielen Trikot ass dee vum Tour de France
Fir d'Éischt gouf de gielen Trikot op dem Tour de France 1919 agefouert, fir et de Spectateure méi liicht ze maache, fir den Éischten am Generalklassement z'identifizéieren.
Déi giel Faarf kënnt dohir, well d'Zeitung L'Auto haut L'Équipe déi den Tour organiséiert huet, op gielem Pabéier gedréckt gouf.
An de Joren duerno sinn um Tour nach Trikoten derbäi komm, wéi de Gréngen, fir de beschte Sprinter, de Wäissen, fir de beschte jonke Profi, an de Biergtrikot fir de beschte Coureur an de Bierger.
[änneren] Lëtzebuerger am Gielen Trikot um Tour de France
- François Faber, 25 Deeg: Tour de France 1909, 1910, 1911 (1. am Generalklassement; deemools gouf et de Gielen Trikot nach net)
- Nicolas Frantz, 37 Deeg: Tour de France 1927, 1928, 1929
- Arsène Mersch, 1 Dag: Tour de France 1936
- Jean Majerus, 9 Deeg: Tour de France 1937, 1938
- Jang Goldschmit, 3 Deeg: Tour de France 1950
- Bim Diederich, 3 Deeg: Tour de France 1951
- Charly Gaul, 2 Deeg: Tour de France 1958 (bzw. op der 1. Etappe 1959)
- Kim Kirchen, 4 Deeg: Tour de France 2008
- Fränk Schleck, 2 Deeg: Tour de France 2008
- Andy Schleck, 6 Deeg: Tour de France 2010, 1 Dag Tour de France 2011
[änneren] De gielen Trikot an anere Courssen
| Commons: Yellow jersey (Tour de France) – Biller, Videoen oder Audiodateien |
