Globaliséierung

Vu Wikipedia, der fräier Enzyklopedie.

Wiesselen op: Navigatioun, Sich

D'Wuert Globaliséierung entsprécht dem eegenen franséischen Ausdrock Mondialisation a gouf eréischt zënter de nonzeger Joren zu engem Begrëff. Dorënner versteet een déi international Verflechtung a ville Beräicher, haaptsächlech (mee net nëmmen) an der Wirtschaftspolitik, der Léier iwwer d'Gesellschaft (Sociologie), der Komunikatiounstechnik an a Verbindung mat der Ëmweltproblematik. Mat där internationaler Verflechtung vun de Problemen, déi ëmmer méi grouss gëtt, stelle sech der Wësseschaft nei Ufuerderunge bei ville Problemer, déi net méi eleng op lokalem oder nationalem Niveau gesinn oder geléist kënne ginn.

Inhaltsverzeechnes

[änneren] Begrëff a Bedeitungen

De Begrëff Globaliséierung gouf fir t'éischt an den Sozialwëssenschaften gebraucht an ass 1961 ënnert der englescher Bezeechnung Globalization eng éischte Kéier an engem engleschsproochegen Lexikon kommentéiert gin.

Wat d' Wirtschaftspolitik betrëfft, do huet den Theodore Levitt (1925-2006), een däitschen Emigrant a fréiere Professor un der Harvard Business School 1983 mat sengem Artikel "The Globalization of Markets" an der [[Harvard Business Review de Begrëff vun der Globaliséierung ëmrass. Dëse wirtschaftspolitesche Begrëff ass du vun 1990 un an d'öffentlech Debatt gehäit ginn.

Den Ausdrock Mondialisierung, dee vum franséischen Ausdrock mondialisation ofgeleet ass, huet eng ähnlech wann och keng identesch Bedeitung. Hie leet méi d'Schwéiergewiicht op d'Entnationliséirung vun de verschiddenen Phänomenen an op den Zoustännegkeetsverloscht vun de Nationalstaaten.

[änneren] Globaliséierung vun der Wirtschaft

[änneren] D'Ursaachen

Besonnesch an der Wirtschaft fënnt haut e Globaliséierungsprozess statt, dee sech zënter dem Enn vum Zweete Weltkrich staark acceleréiert huet. Dat huet verschidden Ursachen:

  • Bei den Entreprise mécht sech d'Noutwendegkeet bemierkbar, fir hir Produktiounen auszebauen an doduerch Käschten ze spueren (engl: large scale economies)
  • D'Wirtschaftsraim hunn hiren nationale Charakter verluer an hu sech iwwert d'Grenze vun de Nationalstaten ausgebreet.
  • An Europa zum Beispill ass e grousse Maart ënner der Form vun der Europäescher Unioun entstanen, deen op Prinzipien opgebaut ass, déi de Globaliséierungstrend onweigerlech verstäerken:
    • Fräie Persouneverkéier
    • Fräie Wuerenaustausch
    • Fräie Verkéier vun den Dengschtleeschtungen
    • Harmonisatioun vun de Wettbewerbsbedingungen an Ofschafe vun allen Diskriminatiounen, an domat Verschäerfung vun der internationaler Konkurrenz
    • Liberalisatioun vun de Kapitalmouvementer

[änneren] D'Konsequenzen

  • Verlagerung vun der Produktioun vu groussen Entreprisen a multinational Gesellschaften no Länner mat méi déiwe Käschten a besonnesch no Länner mat niddrege Léin
  • Den Undeel vu de Beneficer aus dem internationalen Geschäft an och d'Profiter, absolut gesi, hunn Tendez ze klammen, während an den traditionellen Industrielänner mat héige Léin een Drock op d'Salairen sech bemierkbar mecht.

[änneren] Literatur

(Gët fortgesat)

Vun „http://lb.wikipedia.org/wiki/Globalis%C3%A9ierung“
Perséinlech Tools