Gronn (Stad Lëtzebuerg)

Vu Wikipedia, der fräier Enzyklopedie.

Wiesselen op: Navigatioun, Sich

Vue vum Verluerekascht aus

De Gronn ass e Quartier vun der Stad Lëtzebuerg.

Inhaltsverzeechnes

1 Illustratiounen
2 Literatur
3 Linken
- 3.1 Kuckt och
- 3.2 Um Spaweck
4 Referenzen

Um Enn vum Fréimëttelalter hu sech um Ufer vun der Uelzecht Handwierker néiergelooss, déi d'Waasser vum Floss benotzt hunn, fir hire Beruff auszeüben. Am 11. Joerhonnert ass hei d'Par St. Ulrich gegrënnt ginn. Esou huet sech d'Ënnerstad gebilt, déi ugaangs nach ante portas louch, bis datt se am 14. Joerhonnert vun der drëtter Stadmauer, déi op de Wenzel II. zréckgeet an dofir och nach Wenzelsmauer genannt gëtt, protegéiert gouf.

Wéi d'Abtei Almënster am Joer 1543 zerstéiert gouf, sinn d'Benediktiner an de Gronn an den Hospice Saint Jean geplënnert an hunn do d'Abtei Neimënster gegrënnt, déi no engem Brand am Joer 1684 nees opgebaut gouf an nach haut besteet. Haut ass do de Centre culturel de rencontre Abbaye de Neumünster.

Den 26. Juni 1807 huet de Blëtz an de Polvertuerm um Verluerekascht ageschloen. Do waren 11.200 Kg Polver, 2.500 Kanounekugelen a Kartusche gelagert déi dee Moment explodéiert sinn. De Stadgronn gouf duerch d'Drockwell am uregste getraff: D'Haiser goufe schwéier beschiedegt a Beem goufen ëmgehäit. 32 Persoune koumen ëm d'Liewen an 120 goufen der schwéier blesséiert, dorënner vill Kanner. De Schued gouf op 1 Millioun Goldfrang geschat ^[1].

Well vun ugangs 19. Joerhonnert bis an d'1980er Joren hei de Prisong war, stung den Ausdrock "am Gronn sinn" (oder "sëtzen") euphemistesch fir "am Prisong sinn".

Soss nach Kuckeswäert am Gronn ass den Nationalmusée fir Naturgeschicht (natur musée) am fréieren Hospice Saint Jean.

Vum Haff vun der Cité judiciaire um Helleg-Geescht-Plateau an der Uewerstad kënnt ee mat engem Lift, deen op Ureegung vum fréiere Staatsminister Pierre Werner gebaut gouf, rof an de Gronn.

[änneren] Illustratiounen

Aktuell Biller
De Centre culturel de rencontre Abbaye de Neumünster
D'Uelzecht am Gronn mat der Uewerstad am Hannergronn (Mee 2008)
D'Jangekierch
Den Naturmusée

Historesch Biller
De Gronn, Aquarell (1923) vum Sosthène Weis
De Gronn vum Hellege Geescht aus gesinn. Foto vum Charles Bernhoeft, 1891.
De Gronn vun den Hellege Geescht Kasären aus gesinn. Foto vum Charles Bernhoeft, 1893.
Descente du Grund. Foto vum Charles Bernhoeft, 1893.
D'Jangekierch, riets am Hannergrond d'Rumm. Foto vum Charles Bernhoeft, 1893.
Vue op d'Stad Lëtzebuerg vun der Bréck am Grond aus (1834). Zeechnung vum Nicolas Liez.
D'Rue Plaetis (fréier Rue des tanneurs, 1834). Zeechnung vum Nicolas Liez.