Grouss-Hetteng

Hettange-Grande
Grouss-Hetteng

Land

Regioun

Departement

Arrondissement

Kanton

Code Insee

57323

Postcode

57330

Koordinaten

49° 24' 24" N
06° 09' 14" O

Fläch

1 627 ha

Bevëlkerung

7 562 Aw. (2007)

D'Kierch vu Grouss-Hetteng

Hettange-Grande (Grouss-Hetteng op Lëtzebuergesch) ass eng franséisch Uertschaft a Gemeng am Departement Moselle a Loutrengen, eng 7 km vun der Diddelenger Grenz ewech.

Inhaltsverzeechnes

1 Geographie
2 Geologie
3 Geschicht
4 Kuckeswäertes
5 Bevëlkerungsentwécklung
6 Fotoen
7 Linken
- 7.1 Kuckt och
- 7.2 Um Spaweck

[änneren] Geographie

Hetteng läit beim Dräilännereck Lëtzebuerg, Däitschland, Frankräich.

Duerch Grouss-Hetteng féiert Departementsstrooss D653, fréier N53, déi do zu der Voie de la Liberté gehéiert.

D'Gare vu Grouss-Hetteng op der Eisebunnsstreck Metz-Zouftgen gouf bis 2000 net méi benotzt. Du gouf se dat Joer am Januar erëm aktivéiert, haaptsächlech fir den Persounentransport vun de Frontalieren déi op Lëtzebuerg schaffe ginn, op där Streck méi efficace ze maachen.

[änneren] Geologie

1864 huet de Schwäizer Geolog Eugène Renevier an der Carrière Gries um Terrain vun der Gemeng festgestallt, datt do déi éischt stratigraphesch Etage vum Lias géif leien, aus enger Epoch vu virun 199,6 bis 196,5 Millioune Joren. Zu dëser Schicht, déi den Numm Hettangien (de.: Hettangium) dréit, gehéiert och de Lëtzebuerger Sandsteen. D'Steekaule Gries sinn als geologesch Naturschutzgebitt klasséiert ("réserve naturelle géologique").

E baliséierte Wee an e klenge Musée sinn do fir d'Fossilien an d'Steng besser kennenzeléieren, an och souguer d'Blummen, d'Planzen an d'Déierewelt z'entdecken.

De Buedem enhält an der Géigend vun Hetteng och nach en anere Räichtum : d'Minette. D'Eiseminnen waren vun 1904 bis 1979 a Betrib an d'Aarbechter-Citéen hunn d'Landschaft nohalteg geprägt.

[änneren] Geschicht

D'Stad ass wéinst senger geologescher Bedeitung weltbekannt.

An der Ëmgéigend si verschidden Iwwerreschter vun der Maginot-Linn erhalen. De "petit ouvrage" Immerhof, deen eenzegen, deen een op deem Deel vun der Maginot-Linn nach besiche kann, ass mat sengen 300 Meter Galerien, senge 4 Blocken a sengen Tourellen, déi nach funktionnéieren, perfekt erhalen.

[änneren] Kuckeswäertes

Et si vill Spadséiergäng méiglech an enger Stad déi nach relativ vill gréng ass : zum Beispill an den 1000 ha Bëscher, déi méi wéi e Veirel vun der Gemeng ausmaachen, an zu deenen den Hettenger Staatsbësch gehéiert, oder an de verschiddene Quartiere vun der Stad wou ee Skulpture bewonnere kann.

Hetteng a Séitrech sinn loutrengesch Dierfer wou nach "Bildstocken" (Weekräizer) ze gesi sinn.