Guillaume Bigourdan

Vu Wikipedia
Wiesselen op: Navigatioun, sichen
De Guillaume Bigourdan

De Guillaume Bigourdan, gebuer de 6. Abrëll 1851 zu Sistels, Frankräich a gestuerwen den 28. Februar 1932 zu Paräis war e franséischen Astronom a President vun der Académie des sciences zu Paräis.

Liewen[änneren | Quelltext änneren]

De Guillaume Bigourdan ass als eelsten vun dräi Kanner vum Pierre Bigourdan an dem Jeanne Carrère a bescheedene Verhältnesse vun engem Bauerenhaus opgewuess. Nodeem säi Schoulmeeschter an den Duerfpaschtouer op seng héich Intelligenz opmierksam goufen, hu seng Elteren him trotz materieller Nout de Besuch op enger Héichschoul erméiglecht, wou hien am Joer 1870 mat der Première ofgeschloss huet. Am Verlaf vu weidere Studie krut hien am Joer 1874 eng Lizenz (haut Bachelor) fir Physik, zwee Joer méi spéit och fir Mathematik.

Am Joer 1877 hat de François Félix Tisserand, (säi fréiere Schoulmeeschter an deemolegen Direkter vum Observatoire Toulouse, hien zum Assistent ernannt. 1879 ass hien dem Tisserand, deen an der Tëschenzäit Direkter vum Paräisser Observatoire gi war, an déi franséisch Haaptstad. An der Rumm vun senger Tätegkeet reest hien 1882 op d'Antilleninsel Martinique, fir de Venustransit z'observéieren an am Joer duerno no Sankt Petersburg. Hie promovéiert am Joer 1886

Hie gouf 1897 Titularastronom vum Paräisser Observatoire an 1920 éischten Direkter vum kuerz virdrun gegrënnte Büro International de l'Heure. Seng Pensioun krit hien am Joer 1926.

De Guillaume Bigourdan ass den 28. Februar 1932 am Alter vun 80 Joer zu Paräis gestuerwen.

Hie war bestuet mam Sophie Mouchez, eng Duechter vum Admirals Amédée Mouchez, Direkter vum Observatoire vu Pariäs. Déi Béid haten néng Kanner.

Wierk[änneren | Quelltext änneren]

De Bigourdan hat zwanzeg Joer domat verbruecht, d'Positioune vu 6380 Niwwelen z'iwwerpréiwen an ze beschreiwen. Hien hat ongeféier 500 nei Objeten entdeckt. Seng am Joer 1911 a fënnef Bänn publizéiert Fuerschungsresultater haten him international Unerkennung bruecht. Ausserdeem hat hien eng Method beschriwwen, fir de Justage vun equatoriale Teleskopmontéierungen ze verbesseren. Déi Method ass als „Methode Bigourdan“ bekannt.

Publikatiounen[änneren | Quelltext änneren]

  • 1892: "Observations de 1884. Observations de Nébuleuses et d'amas stellaires" Annales de l'Observatoire de Paris.
  • 1905: "Les éclipses de soleil: instructions sommaires sur les observations que l'on peut faire pendant ces éclipses, et particulièrement pendant l'éclipse totale du 30 août 1905", 1905, Paris, Gauthier Villars
  • 1917: "Observations de 1907. Observations de Nébuleuses et d'amas stellaires" Annales de l'Observatoire de Paris.

Auszeechnunge[änneren | Quelltext änneren]

Kuckt och[änneren | Quelltext änneren]

Saturn 01.svg Portal Astronomie