Hamm (Stad Lëtzebuerg)

Dëse Geographiesartikel iwwer Lëtzebuerg ass eréischt just eng Skizz. Wann Dir méi iwwer dëst Thema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir Hëllef braucht beim Schreiwen, da luusst bis an d'FAQ eran.

Hamm, am Oste vun der Stad

Hamm ass e Quartier vun der Stad Lëtzebuerg. Vun 1874 bis 1920 gouf et och eng Gemeng Hamm.

Geographesches

Hamm steet op engem Plateau am Oste vun der Stad Lëtzebuerg, tëscht dem Hammerställchen am Norden an dem Uelzechtdall. De Fluchhafe Lëtzebuerg um Findel mécht am Nordosten d'Grenz. Ee vun de gréisste Bëscher vun der Gemeng ass den Hammer Bësch, dee mat sengen 130 ha op der Sandweiler Säit läit. Do ass och den amerikaneschen Zaldotekierfecht ze fannen.

D'Gemeng Hamm

Den 1. Januar 1874 (Gesetz vum 20. Dezember 1873) ass d'Gemeng Hamm aus der Sektioun Hamm (mat den Uertschaften Hamm, Schläifmillen, Fetschebour, Hämmerställchen, Scheedgronn, Zens an Tavion) an aus der Sektioun Polvermillen, wat bis zu deem Zäitpunkt zwou Sektiounen vun der Gemeng Sandweiler waren, entstanen.

De Paul Godchaux (1844 - 1888) gouf éischte Buergermeeschter vun der Gemeng Hamm a war dat vun 1874 bis zu sengem Doud am Joer 1888. Säi Cousin, de Jules Godchaux (1845 - 1917), war duerno vun 1888 bis 1917 Buergermeeschter. Den Émile Godchaux (1864 - 1942) war vun 1917 bis 1918 Buergermeeschter. Hien huet als Buergermeeschter démissionnéiert, well hien an d'Chambre de Commerce erakomm ass. Säi Nofolger gouf de Pierre Kohner (1858 - 1927), e Bauer vum Zens.

D'Gemeng Hamm huet den 1. Juni 1920 (Gesetz vum 26. Mäerz 1920), zesumme mat de Gemengen Hollerech a Rollengergronn mat der Stad Lëtzebuerg fusionéiert.

Buergermeeschteren

• 1874 - 1888 : Paul Godchaux
• 1888 - 1917 : Jules Godchaux
• 1917 - 1918 : Émile Godchaux
• 1918 - 1920?: Pierre Kohner

Literatur

• Marx, Hubert: Leben in Hamm einst und jetzt, ons stad N° 28 / Juli 1988, Stad Lëtzebuerg

Kuckt och

• Kierch vun Hamm
• Amerikaneschen Zaldotekierfecht zu Hamm
• Gare Zens-Hamm
• Scheedhaff
• Bemierkenswäert Beem um Scheedhaff:
  • Lannenallee
  • Séisskäschtebam

Um Spaweck

Commons: Hamm (Stad Lëtzebuerg) – Biller, Videoen oder Audiodateien

• Gesëtz iwwer d'Créatioun vun der Gemeng Hamm Loi du 20 décembre 1873, créant une nouvelle commune du nom de Hamm
• Gesetz iwwer d'Fusioun vun de Gemengen Rollengergronn, Hollerech an Hamm mat der Stad Lëtzebuerg Loi du 26 mars 1920 concernant la fusion des communes de Hollerich, Rollingergrund et Hamm avec la ville de Luxembourg

Biller

• 

  Weekräiz vu 1739 a Gedenkplacken op der Fassad vun der Kierch

Quartiere vun der Stad Lëtzebuerg  

Beggen | Belair | Bouneweg-Nord/Verluerekascht | Bouneweg-Süd | Clausen | Dummeldeng | Eech | Gare | Gaasperech | Gronn | Hamm | Hollerech | Kierchbierg | Lampertsbierg | Märel | Millebaach | Neiduerf/Weimeschhaff | Pafendall | Polvermillen | Rollengergronn/Belair-Nord | Uewerstad | Weimeschkierch | Zéisseng | Zens