Hans Clarin

Vu Wikipedia
Wiesselen op: Navigatioun, sichen
Den Hans Clarin

Den Hans Clarin (* 14. September 1929 zu Wilhelmshaven; † 28. August 2005 zu Aschau im Chiemgau) war en däitsche Schauspiller a Synchronspriecher.

Säi Liewen[änneren | Quelltext änneren]

Nom Krich huet de Clartin säi Wee aus dem héijen Norde vun Däitschland an dat zerbombte München fonnt, wou e sech un enger Schauspillschoul ageschriwwen huet. 1951 konnt en dann och direkt éischt grouss Erfolleger op der Bühn vum Bayeresche Staatstheater feieren. Nieft senger Carrière beim Theater huet en zanter de 1950er Joren och a ville Filmer an zanter de 1960er Joren a ville Fernsehproduktioune matgespillt. Wéi op der Bühn huet en dobäi gläichermoossen an trageschen mä och a komesche Rollen iwwerzeege kënnen, woubäi en et verstanen huet fir déi zwéi Genre brillant mateneneen ze vermëschen.

Dem grousse Publikum gouf de Clarin awer eréischt an den 1960er Joren e Begrëff, an zwar als däitsche Synchronspriecher vum Kookie (gespillt vum Edward Byrnes) an der erfollegräicher US-amerikanescher Fernsehserie 77 Sunset Strip. Op d'mannst grad sou bekannt ass en als Stëmm vum Pumuckl, souwuel am Fernseh wéi och an Héierspiller. Och d'Titelroll fir d'Héierspillkassetten Hui-Buh – Das Schlossgespenst gouf vun him geschwat.

Vun den zirka 100 Fernseh- a Kinofilme bei deenen de Clarin matgewierkt huet, sinn déi bekanntst wuel Weißblaue Geschichten am Fernseh an Das Wirtshaus im Spessart (1957) um groussen Ecran.

Den 28. August 2005 ass den Hans Clarin am Alter vu 75 Joren a senger Wielheemecht Aschau am Chiemsee un Häerzversoe gestuerwen. Seng lescht Filmroll war déi vum Kastellan an der Hui Buh-Verfilmung vum Michael Herbig, déi 2006 an d'Kinoe komme soll.

Filmographie (Auswiel)[änneren | Quelltext änneren]

  • Zwerg Nase (1952)
  • Musik bei Nacht (1953)
  • Feuerwerk (1954)
  • Oberarzt Dr. Solm (1954)
  • Das Wirtshaus im Spessart (1957/58)
  • Das Spukschloß im Spessart (1960)
  • Max, der Taschendieb (1962)
  • Das indische Tuch (1963)
  • Zimmer 13 (1963/64)
  • I cento cavalieri (1964) vum Vittorio Cottafavi
  • Wartezimmer zum Jenseits (1964)
  • Portrait eines Helden (TV-Film; 1966)
  • Pepe der Paukerschreck – Die Lümmel von der ersten Bank (3. Deel; 1969)
  • Pippi Langstrumpf (TV-Serie; 1969)
  • Unter anderem Ehebruch (TV-Film; 1972)
  • Das verräterische Herz (TV-Film; 1979)
  • Meister Eder und sein Pumuckl (TV-Serie; 1982/88)
  • Mandara (TV-Serie; 1983)
  • Weißblaue Geschichten (TV-Serie; 1985)
  • Oliver Maass (6-deeleg TV-Serie; 1985)
  • Das Geheimnis von Lismore Castle (TV-Film; 1985/86)
  • Geld oder Leber! (1986)
  • Tatort: Die Macht des Schicksals (TV-Film; 1987)
  • Hexenschuß (TV-Film; 1987)
  • Peter und Paul (TV-Serie; 1992)
  • Pumuckl und der blaue Klabauter (1994)
  • Eine fast perfekte Hochzeit (1999)
  • Weißblaue Geschichten (TV-Serie; 2000)
  • Pumuckl und sein Zirkusabenteuer (2003)
  • Rosamunde Pilcher – Solange es dich gibt (TV-Film: 2004)
  • Hui Buh (2006)

Literatur[änneren | Quelltext änneren]

  • Clarin, Hans: Durchgeblättert. Autobiographie. Knaus, Berlin 1995, ISBN 3813540057