Heckeknuewelek

Vu Wikipedia
Wiesselen op: Navigatioun, sichen
Heckeknuewelek
Bléie vum Heckeknuewelek

Bléie vum Heckeknuewelek
Wëssenschaftlech Klassifikatioun
Räich: Planzeräich
Ofdeelung: Bléieplanzen
Klass: Liliopsida
Uerdnung: Asparagales
Famill: Ënneplanzen
Gattung: Ënnen
Aart: Heckeknuewelek
Wëssenschaftlechen Numm
Allium ursinum
L.

Den Heckeknuewelek oder Wëlle Knuewelek[1] Allium ursinum L. ass e Kraut aus der Gattung Allium an der Famill vun den Ënneplanzen.

Et ass eng Planz déi e puer Joer hannereneen erëm kënnt, an 20 – 50 cm grouss gëtt. Si huet laang donkelgréng Blieder a Form vu enger Lanzespëtz. D'Bléie si wäiss, stärefërmeg, an hu sechs baussecht Bléiebleider. Si stinn zesummenen op engem méi oder wéineger ronne Kapp mat tëscht 5 an 20 Bléien.

Den Heckeknuewelek ass eng Bëschplanz. En ass praktesch a ganz Europa an an Nordasien, besonnesch a Bëscher déi an engem Hank leien ze fannen.

Säi Geroch gläicht deem vum Knuewelek. D'Blieder sinn iessbar (am beschte virun der Bléi) a kënne réi oder wéi Päinetsch verschafft ginn. Zerdrätscht kënne se wéi eng Pestoszooss preparéiert ginn.

Verwiesselungsgefor[änneren | Quelltext änneren]

Et soll een nëmmen op Standuerter sammele wou den Heckeknuewelek eleng virkënnt. Et ka soss zu Verwiesselunge mat de Blieder vun der Meeréischen, der Hierschtblumm oder vun der Aroumblumm kommen. Déi dräi Planze si staark gëfteg, an d'Vergëftunge kënnen déidlech ausgoen. Verwiesselunge geschéie virun allem well d'Blider vum Heckeknuewelek virun der Bléi gesammelt ginn. Déi verbreet Method, déi dora besteet all Blat eenzel mat de Fangeren ze reiwen an ze richen, ob si wierklech no Knuewelek richen, ass problematesch, well d'Fangeren dee Geroch séier unhuelen a weider Tester ouni Verlooss sinn.

Um Spaweck[änneren | Quelltext änneren]

Commons: Heckeknuewelek – Biller, Videoen oder Audiodateien

Notten[änneren | Quelltext änneren]

  1. Den Numm Wëlle Knuewelek bezeechent am Lëtzebuergeschen zwou verschidde Planzen: den Heckeknuewelek an d'Bloderkraut.