Hierschtvéiereck
Vu Wikipedia, der fräier Enzyklopedie.
D’Hierschtvéiereck ass kee richtegt Stärebild, mä eng Konstellatioun vun opfällege Stären, eng véiereckeg Formatioun, déi aus de Stäre Gamma Pegasi (Algenib), Sirrah, Scheat a Markab besteet.
D’Hierschtvéiereck kann owes am Hierscht a südëstlecher Richtung gesi ginn. Et läit iwwer dem Himmelsequator.
Bis op de Sirrah, deen zum Stärebild Andromeda gehéiert, gehéieren d'Stären all zum Stärebild Pegasus, sou datt d’Hierschtvéiereck och Pegasusquadrat genannt gëtt.
