Himmel (Astronomie)

Vu Wikipedia
Wiesselen op: Navigatioun, sichen
Qsicon Ueberarbeiten.png Dësen Artikel entsprécht net de Wikipediacritèrë fir en enzyklopedeschen Artikel. Dat kann dru leien datt Schreif- oder Tippfeeler dran ze fanne sinn, oder en nach net nom Stil vun engem Wikipediaartikel formatéiert gouf. Et kann och sinn, datt den Inhalt net an eng Enzyklopedie gehéiert, sou wéi en am Moment do steet. Fir ze verhënneren datt dësen Artikel eventuell geläscht gëtt, muss en onbedéngt iwwerschafft ginn.

Als Himmel bezeechent de Mënsch dat, wat hie vun der Äerd aus gesäit, wann hien duerch d'Atmosphär a Richtung Weltraum kuckt.

Moieshimmel mat Wollekelandschaft

Den Himmelsbou[änneren | Quelltext änneren]

Himmel ouni Wolleken am Dag

Himmelsbou bezeechent een deen Deel vun der Himmelskugel (Firmament), dee sech iwwer dem Horizont als visuell Hallefkugel béit.

Tatsächlech erschéngt eis den Himmelsbou éischter wéi eng flaach Schuel, déi um Horizont zwee- bis dräimol méi wäit ewech ass, wéi um Zenit. Dëst läit gréisstendeels um ënnerschiddlechen Azur (himmelsblo), donieft droen och Effekter vun der Distanzschätzung a Bezuch zum visuellen Horizont bäi, wéi si och bei der Moundtäuschung virläit. D'Bisiounsbild vum Himmel als iwwer d'Äerd gebéite Schuel ass a ville Mythologien present an huet zir laanger Dauer vum geozentresche Weltbild bäigedroen.

Den Daghimmel[änneren | Quelltext änneren]

Firwat ass den Himmel hell?[änneren | Quelltext änneren]

Den Äerdmound huet keng Atmosphär, dofir ass säin Himmel schwaarz. Ze gesinn ass d'Äerd aus der Siicht vun Apollo 8.
Mound an Äerd vun engem Space Shuttle aus gesinn. Iwwer der Atmosphär gëtt et kee gestreetend Liicht.

Duerchdrengt d'Sonneliicht d'Atmosphär, gëtt en Deel vum Liicht gestreet an erhellt sou den Himmel. Ouni dës Streeung respektiv ouni Atmosphär wier den Himmel − wéi de Weltraum − schwaarz. Zu dëser Diffusstralung dréit wesentlech d'Streeung duerch de Sauerstoff an de Stéckstoff an der Atmosphär bäi.

Himmelsblo[änneren | Quelltext änneren]

Den Himmel kritt seng visuell blo Fierwung duerch d'Streeung vum Sonneliicht an de Molekülle vun der Äerdatmosphär. Heibäi gëtt dat kuerzwellegt blot Liicht op engem Enn vum visuelle Liichtspektrum ongeféier 16-mol méi staark gestreet wéi dat rout Liicht um aneren Enn. Jee no Wénkel zu der Sonn ass d'Streeliicht ënnerschiddlech staark polariséiert.

D'Sonnestralung, déi eis normalerweis wäiss erschéngt, ass aus engem Liichtspektrum verschiddener Wellelängten zesummegesat. Dëse Spektrum gëtt vun de Mënschen opgrond vu sengem Faarfempfannen als wäiss ugeholl, ass awer keng Eegeschaft vum Sonneliicht selwer. Gëtt dat wäisst Liicht a seng verschidde Wellelängten opgedeelt, hëlt de Mënsch d'Liicht an de Spektralfaarwen wouer. Dëst gëtt zum Beispill bei engem Reebou oder mat Hëllef vun engem Prisma siichtbar. Och d'Faarwen vum elo monochromatesche Liicht sinn keng Eegeschaft vum Liicht, mä ass eng Zouuerdnung vun dem mënschlechen Faarwenandrock. Et muss een net noutwendegerweis monochromatescht Liicht gebrauchen, fir d'Liicht faaweg erschéngen ze loossen. Et geet duer, wann e puer Wellelängtberäicher vum Sonneliicht méi staark oder manner staark vertruede sinn, wéi beim wäisse Liicht.

Beim Himmelsblo gëtt d'Sonneliicht u winzege Molekülle vun der Loft gestreet, déi méi kleng si wéi d'Welleläntge vum Liicht (Rayleigh-Streeung) a kann aus verschidde Richtungen an eist A antrieden. D'Bild weist, datt d'Intensitéitsmaximum vun der direkter Sonnestralung am grénge Spektralberäich läit, de Maximum vum Streeliicht awer wäit an den UV-Beräich geet. Dat geet fir e Sonnebad duer, dat mënschlecht A ass dofir awer net empfindlech. Den Himmel schéngt ze liichten an dëst mat kuerzwellegem Liicht, dat de Mënsch als blo gesäit.

Déi Plaz mat dem blotsten a kloerstem Himmel op der Äerd, also dem intensivsten Himmelsblo, ass no Miessunge vum briteschen National Physical Laboratory Rio de Janeiro. An den ieweschte Schichte vun der Atmosphär iwwer der Stad vum Zockerhutt gëtt et ganz wéineg kondenséiert Flëssegkeet (Waasserdrëpsen) a Stëbsdeelercher, déi den Duerchtrëtt vum kuerzwellege bloe Liichts stéieren kënnten, Ongënschteg Streeungseffekter vun der Atmosphär sinn et, déi den Himmel op aner Plazen méi wäiss-blo erschénge loossen.[1]

Referenzen[änneren | Quelltext änneren]

  1. www.farbimpulse.de

Literatur[änneren | Quelltext änneren]

  • H.Dittmar-Ilgen: Wie das Salz ins Meerwasser kommt.... Hirzel-Verlag; S. 19: Das Rätsel um unserem blauen Planeten

Um Spaweck[änneren | Quelltext änneren]

Commons: Himmel – Biller, Videoen oder Audiodateien