Hobich
| Hobich | |||||||||||||||||
|---|---|---|---|---|---|---|---|---|---|---|---|---|---|---|---|---|---|
 Hobich |
|||||||||||||||||
| Wëssenschaftlech Klassifikatioun | |||||||||||||||||
|
|||||||||||||||||
| Wëssenschaftlechen Numm | |||||||||||||||||
| Carpinus betulus Linnaeus |
|||||||||||||||||
D'Hobich, Carpinus betulus, ass e Lafbam aus Mëttel- a Westeuropa, deem säi Vebreedungsgebitt mat deem vun der Buch zimlech iwwerenee stëmmt, mat Ausnam vum Nordoste wou se méi wäit wéi d'Buch virstéisst.
Hir Grenz an der Héicht ass an de Mëttelbierger tëscht 400 a 600 Meter. An den Alpen ka se plazeweis bis op 1000 Meter goen.
Si wiisst gutt zesumme mat Eechen, an op Biedem mat Quellen, oder Sickerhorizonten, ass et eng ideal Bäimëschung fir Eschen. Op dréchne Biedem leescht se och gutt Déngschter wa se a Kiferbestänn bäigemëscht ass.
[änneren] Merkmaler
[änneren] Habitus an Alter
D'Hobich ass e summergrénge Lafbam, dee bis zu 25 Meter héich gëtt an en Durchmësser vu bis zu engem Meter erreeche kann. Am Kaukasus kann dëse Bam sougur 35 Meter héich ginn. Den Alter läit bei bis zu 150 Joer. An dichte Bestänn hunn dës Beem e Schaft vun 8-10 m, am Extremfall souguer 18 m. De Stamm ass dacks kromm.
Solitärbeem bilden eng breet-oval Kroun.
Knospen, Blieder a jonk Äscht
D'Blieder sinn duebelt gezackt, d'Wanterknospe si spëndelfërmeg a 5-8 mm laang, si leien dicht um Zweig. D'Knospeschuppe si brong bis routbrong an um Rand bewimpert. D'Bléieknospe si méi grouss an net sou spatz wéi déi vegetativ Knospen.
D'wechselstänneg Blieder si 4-10cm laang an 2-4cm breet, eefërmeg an zougespëtzt. Déi ënnescht Säit vun de Blieder sinn am Ufank behoort, méi spéit awer net méi. D'Hierschtfaarf ass giel, an se hänken dacks nach am brongen Zoustand am Fréijoer un den Äscht.
Déi jonk Äscht si blénkech brong (bis gréng-brong) a schwaach behoort. Méi spéit gi se brong-gro a plakeg. Si hunn eng grouss Zuel vu wäissen elliptesche Lentizellen.
[änneren] Kuckt och
| Commons: Carpinus betulus – Biller, Videoen oder Audiodateien |
