Hyacinthe Schaack

Vu Wikipedia, der fräier Enzyklopedie.
Wiesselen op: Navigatioun, sichen

Den Hyazinthe Schaack, gebuer an der Stad Lëtzebuerg den 2. Juli 1831 an do gestuerwen den 1. Juni 1915, war e lëtzebuergesche Professer an Auteur.[1]

Den Hyazinthe Schaack huet 1848[2] am Alter vun 18 Joer seng Lycéesstudien erfollegräich am Atheneum ofgeschloss an ass dono op d'Universitéit vu Gent studéiere gaangen.[1] Am Abrëll 1852[3] huet hien zu Louvain virum jury combiné säin Doktorat a Philosophie a Literatur bestanen.

Den 8. November 1852 gouf hie Repetent an de 4. September 1853 Professer am Atheneum, [1] wou hie seng ganz Carrière gemaach huet. De 25. September 1874 gouf hie Professer 1. Klass.[2] Am Juli 1903 ass hien an d'Pensioun gaangen.[4] [2]

Bis 1866 war de Schaack doniewent och nach Schoulinspekter fir d'Primärschoule vun de Kantonen Esch a Capellen.[1] Am Joer 1901[5] ass hie President vun der historescher Sektioun vum Institut grand-ducal ginn; hie war och membre correspondant vum belschen historeschen Institut.[1]

Hie war mat der Léonie Paquet bestuet. D'Koppel hat aacht Kanner, dorënner de Charles Schaack, gebuer den 20. Mäerz 1867 an der Stad Lëtzebuerg, dee Riichter a Procureur war,[6] an den Edouard Schaack, och an der Stad gebuer, den 3. Juli 1871, dee Geeschtleche war[7].

Den Hyazinthe Schaack ass de 4. Juni 1915 um Nikloskierfecht begruewe ginn. D'Läicheried huet de Professer Jacques Meyers gehalen.[8]

Publikatiounen (Auswiel) [änneren]

Eng ausféierlech Lëscht vun dem H. Schaack senge Publikatiounen, dorënner Schoulbicher wéi Die Geschichte des Luxemburger Landes a Grammaire française théorique et pratique (zesumme mam Antoine Godart), fënnt ee beim Martin Blum.[9]

  • Notice historique sur l'hospice civil de Luxembourg. Luxembourg : P. Brück, 1860, 42 S. Tiré à part du Programme publié à la clôture de l'année scolaire de l'Athénée royal grand-ducal de Luxembourg, 1860, p. 3-42.
  • Essai historique et archéologique sur le village de Moestroff et le château. Publications de la Section historique de l'Institut g.-d. de Luxembourg, XXIX (VII), 1875, S. 259-286.

Literatur [änneren]

  • Anonym, 1915. Hyazinth Schaack †. Luxemburger Wort 1915, Nr. 153 (2. Juni), S. 4 [4]
  • Blum, Martin, 1981. Bibliographie luxembourgeoise ou catalogue raisonné de tous les ouvrages ou travaux littéraires publiés par des Luxembourgeois ou dans le Grand-Duché actuel de Luxembourg. Première partie: Les auteurs connus. Nouvelle édition, complétée, avec introduction et index analytique, par Carlo Hury. First published 1902-1932. Reprinted 1981. München, Kraus International Publications, vol. 2: M-Z, 700.
  • Gredt, Nicolas, 1902. Allocution adressée le 8 novembre 1902 à Monsieur le professeur Hyacinthe Schaack, à l'occasion du cinquantième anniversaire de son entrée en fonctions. [Luxembourg] : [Athénée], 1902. - 7 S.
  • Heuertz, Félix, 1922. Le personnel de l'enseignement moyen ou secondaire du Grand-Duché de Luxembourg 1839-1922 (1er août). Programme du Gymnase de Luxembourg 1921-1922, Luxembourg, VIII, 79 S.
  • Wilhelm, Jules, 1923. Notice nécrologique: Hyacinthe Schaack (président de la Section historique). Publications de la Section historique de l'Institut g.-d. de Luxembourg, LX, 1923, S. XV-XX.

Referenzen [änneren]

  1. ↑ 1,0 1,1 1,2 1,3 1,4 Anonym 1915.
  2. ↑ 2,0 2,1 2,2 Heuertz 1922, S. 54.
  3. ↑ Dat war entweder de 15. Abrëll (Heuertz 1922) oder de 16. Abrëll 1852 (Anonym 1915).
  4. ↑ LW 1903, Nr. 213 & 214 (1. August), 1. Blatt, S. 2 (Amtliches). [1]
  5. ↑ Pro Archaeologia Luxembourg. La Société Archéologique [2] (ofgeruff de 17. Dezember 2011). — Am Luxemburger Wort 1915, Nr. 153, steet: 1897.
  6. ↑ Anonym 1915; Heuertz 1922, S. 54; Blum 1981, S. 379.
  7. ↑ Blum 1981, S. 380.
  8. ↑ Luxemburger Wort 1915, Nr. 156 & 157 (5. Juni), S. 3 (Leichenfeier für Ehren-Professor Schaack). [3]
  9. ↑ Blum 1981, S. 380-382.
Vun „http://lb.wikipedia.org/w/index.php?title=Hyacinthe_Schaack&oldid=1342085“