Hydra-Centaurus-Superkoup
Den Hydra-Centaurus-Superkoup ass e Superkoup, deen an der groussraimeger Struktur vum Universum de notste Noper vun eisem lokale Superkoup (Virgo-Superkoup) ass.
Den Hydra-Centaurus-Superkoup besteet aus zwou grouss Ënnergruppen:
- d'Centaurus-Ënnergrupp mat de Galaxiëkéip Abell 3565, Abell 3574, Abell 3581 an dem Centaurus-Galaxiëkoup (Abell 3526), souwéi
- d'Hydra-Ënnergrupp, déi am Wiesentlechen aus dem Hydra-Galaxiëkoup (Abell 1060) besteet.
Déi béid Ënnergruppe ginn och als getrennt Superkéip betruecht, déi awer souwuel ënnerenee wéi och mat dem Virgo-Superkoup a Bezéiung stinn. All dräi Superkéip gi vun dem méigleche Groussen Attrakter beaflosst.
D'Distanz vum Superkoup beleeft sech op 140 Mio. Liichtjoer (43 Mpc) fir de nächstgeleeënen Centaurus-Koup, bis zu 300 Mio. Liichtjoer (90 Mpc) fir de Koup Abell 3581. Déi hellst Eenzelgalaxis vun der Struktur ass déi elliptesch Galaxis NGC 4696 am Centaurus-Koup mat enger visueller Hellegkeet vun 10,7 mag.
A Richtung vum Centaurus-Superkoup, awer mat enger Distanz vu ronn 650 Mio. Lj. nach däitlech hannert dësem, läit de Shapley-Superkoup, deen zu de gréisste an dichteste bekannte Superkéip am Ëmkrees vun 1 Mrd. Lj. gehéiert.
[änneren] Um Spaweck
- Centaurus-
- Hydra-Superhaufen bei Atlas of the Universe
