Jacob Bartsch

Vu Wikipedia
Jacob Bartsch
Gebuer 1600
Gestuerwen 26. Dezember 1633
Nationalitéit Däitschland
Aktivitéit Astronom, Mathematiker, Dokter

De Jacob Bartsch, gebuer am Joer 1600 zu Lauban an der Lausitz, an do gestuerwen de 26. Dezember 1633, war en däitschen Astronom.

De Bartsch huet vill astronomesch Schrëfte verfaasst, dorënner d'Planisphaerium Stellatum. Hie war en Eedem vum Johannes Kepler an huet hien och deelweis bei senge Berechnungen ënnerstëtzt. Nom Doud vum Kepler huet hien dat utopescht Wierk vum Kepler Somnium („Der Traum“) fäerdeg gestallt.

De Bartsch huet Astronomie a Medezin op der Universitéit Stroossbuerg studéiert.[1]

Am Joer 1624 huet hie Stärekaarten ënner dem Titel Usus astronomicus planisphaerii stellati publizéiert . Dobäi huet hien d'Stärebiller, déi 1613 vum Petrus Plancius beschriwwe goufen, iwwerholl. Et si Stärebiller, déi op den Himmelsglobe vum Pieter van den Keere duergestallt waren. De Bartsch huet doduerch engem breede Publikum d'Stärebiller: Giraff, Kräiz vum Süden, Eenhaar, Netz bekannt gemaach.

Den 12. Mäerz 1630 huet hie sech mat dem Johannes Kepler senger Duechter Susanne bestuet.[2] Si hat him virdru bei senger wëssenschaftlecher Aarbecht gehollef[3]. Nom Kepler sengem Doud am Joer 1630 huet de Bartsch Geld fir dem Kepler seng Wittfra gesammelt a versicht, posthum dem Kepler säi Buch Somnium.[1] ze publizéieren, wat him awer net gelongen ass, well hie selwer virdru gestuerwen ass.

Um Spaweck[änneren | Quelltext änneren]

Portal Astronomie

Referenzen[Quelltext änneren]

  1. 1,0 1,1 Ioan James. Remarkable Physicists: From Galileo to Yukawa. Cambridge University Press, 2004. ISBN 0-521-01706-8
  2. James A. Connor. Kepler's Witch. HarperCollins, 2004. ISBN 0-06-052255-0
  3. Christian Pamphlets. Protestant Episcopal Society for the Promotion of Evangelical Knowledge. 1852.