Jadranka Kosor

D'Jadranka Kosor 2009

D'Jadranka Kosor, gebuer Vlaisavljević den 1. Juli 1953 zu Pakrac a Kroatien, ass eng kroatesch Politikerin a fréier Journalistin. Si ass zënter dem 6. Juli 2009, nom Récktrëtt vum Ivo Sanader, als éischt Fra an deem Amt, Première-Ministesch vun der kroatescher Regierung.

D'Jadranka Kosor huet zu Zagreb studéiert an zënter 1972 als Journalistin fir ë. a. Večernji list, enger Zagreber Dageszeitung, a Radio Zagreb geschafft. Si war och kuerz Korrespondentin fir d'BBC während dem Kroatien-Krich.

1995 gouf si an de Sabor, dat kroatescht Parlament, gewielt a war zäitweileg Parlaments-Vizepresidentin. Am Dezember 2003 gouf si Vize-Premieèreministesch a Ministesch fir Famill, Solidaritéit tëscht de Generatiounen a fir d'Ancien-combattanten.

2005 war si Kandidatin fir Staatspresidentin ze ginn, huet dës Walen awer am zweeten Tour verluer.

Nom Récktrëtt vum Premier Sanader ass si zënter dem 6. Juli 2009 Premièreministesch.

Wierker

• Dobar dan-ovdje Hrvatski radio, Turistkomerc 1993.
• Dobar dan, kako ste?, Školska knjiga 1998.

Um Spaweck

• Hire Liewenslaf op der Websäit vun der Regierung (en)

Commons: Jadranka Kosor – Biller, Videoen oder Audiodateien