Jardin du Luxembourg

Vu Wikipedia
Wiesselen op: Navigatioun, sichen
Geographesch Koordinaten: Gnome-globe.svg 48° 50’ 49’’ N 2° 20’ 14’’ E
Den nërdlechen Deel, à la française ugeluecht
De südwestlechen, "engleschen", Deel vum Gaart

De Jardin du Luxembourg ass e Park a fréiere kinnekleche Gaart zu Paräis, am 6. Arrondissement. En huet eng Fläch vu 26 Hektar a gehéiert zum Palais du Luxembourg, dem Sëtz vum Senat, der Zweeter Chamber vum franséische Parlament.

No Norden hi grenzt en un de Palais mam selwechten Numm, an och dee méi klenge Petit Palais, an deem déi offiziell Residenz vum Senatspresident ass, un d'Orangerie an de Musée du Luxembourg. Am Oste mécht d'École des Mines d'Limitt. De Jardin du Luxembourg ass an 2 gedeelt: No beim Schlass ass ee streng geometresch ugeluechte klassiszistesche Gaart, mat Basengen, Beeter an Hecken, dee schonn zanter dem 17. Joerhonnert do ass, westlech a südwestlech dovun ass e Gaart à l'anglaise, dee méi spéit nom Virbild vun den englesche Landschaftsgäert ugeluecht gouf.

De Gaart gouf vu 1611 oder 1612 u vun der Maria vu Medici, dem Henri IV. senger Wittfra, uleeë gelooss, zesumme mat hirem Landschlass, dat zu der selwechter Zäit gebaut gouf, an deemools nach wäit baussent Paräis louch. Si huet de Bau vum Aqueduc Médicis ënnerstëtzt dee Waasser vu Rungis op Paräis bréngt, well si wëlles hat och hiert Landschlass dovu beliwweren ze loossen.

Weider Ännerunge gouf et duerch d'Jorhonnerten, zulescht am 19. wéi duerch dem Eugène Haussmann seng nei Stroossepläng Deeler ewechgerappt goufen.

De Park ass ëffentlech zougänglech. De grousse Baseng gëtt gär benotzt fir Miniatur-Seegelbooter drop fueren ze loossen. Scho bal eng Institutioun ass de Guignol-Theater. Eng ettlech Statue vu bekannte Perséinlechkeete sinn am Park verdeelt, dorënner och eng verklengert Kopie vun der New-Yorker Fräiheetsstatu.

Kuckt och[änneren | Quelltext änneren]

Um Spaweck[änneren | Quelltext änneren]

Commons: Jardin du Luxembourg – Biller, Videoen oder Audiodateien

Panorama[änneren | Quelltext änneren]

Panoramabild vum Gaart