Jodocus Hondius

Vu Wikipedia
Jodocus Hondius
Gebuer 17. Oktober 1563 jul.
Wakken
Gestuerwen 12. Februar 1612
Amsterdam
Nationalitéit Grofschaft Flandern, Republik vun de Siwe Vereenegte Provënzen
Aktivitéit Kartograph, Graveur, Editeur, Instrumentebauer, Astronom
Famill
Bestuet mat Colette van den Keere
Kanner Jodocus Hondius II, Henricus Hondius

Den Jodocus Hondius, (eigentlech Josse de Hondt, gebuer de 17. Oktober 1563 zu Wakken, Flandern a gestuerwen den 12. Februar 1612 zu Amsterdam war e flämeschen Kartograph an Editeur vun Atlanten a Kaarten.

Den Hondius gouf als Jong vum Olivier de Hondt an der Petronella d'Havertuyn am flandresche Wakken gebuer. Nach a senger Jugendzäit ass seng Famill op Gent geplënnert, wou de Jodocus am Alter vun aacht Joer eng Léier als Kofferstiecher ugefaangen huet. Am Joer 1584 ass de Jodocus op London geflücht, fir dem reliéisen Duercherneen a Flandern, dem Fräiheetskampf vun Holland z'entgoen.

Zu London léiert hie beim Richard Hakluyt an dem Edward Wright, ier hien am Joer 1593 op Amsterdam geet a sech do op d'Produktioun vu Kaarten a Globe spezialiséiert. Zwéi vu senge Globen huet de Jan Vermeer a sengen Tableauen Den Astronom an De Geograph veréiwegt.

Am Joer 1600 mécht hien en Himmelsglobus, deen 12 nei Stärebiller vum Südhimmel weist, déi vum hollännesche Séifuerer Pieter Dirkszoon Keyser entdeckt gi waren.

1604 keeft den Hondius d'Drockplacke vum Mercator sengem Weltatlas, deen zu där Zäit u Popularitéit géintiwwer dem Theatrum Orbis Terrarum vum Abraham Ortelius zeréckgefall war. Den Hondius huet ongeféier 40 eege Kaarten dobäi gemaach an huet déi erweidert Editioun 1606 ënner dem Numm vum Mercator a sengem eegenen als Editeur publizéiert. Dësen Atlas, deen an e puer Editiounen erauskoum, gëtt haut Mercator-Hondius Atlas genannt.

Kuerz viru sengem Doud bestit säi Meedchen Elisabeth den hollänneschen Editeur Jan Jansson. Dem Hondius säi Verlag gouf no 1612 vu senger Wittfra a senge Jonge Jodocus II an dem Henricus weidergefouert.[1] Vu 1633 war de Jan Jansson als Geschäftspartner a Matediteur u weidere Publikatioune vum Atlas bedeelegt.

Den Hondius war dem Pieter van den Keere säi Schwoer. Hie war mat deem senger Sëschter Colette bestuet.

Faksimile-Editiounen[änneren | Quelltext änneren]

Westindesch Inseln, hei als Drock vun 1625
  • The world map of 1669 by Jodocus Hondius the elder & Nicolaas Visscher, explanatory text by Günter Schilder, Amsterdam 1978, ISBN 90-6072-119-5
  • Nova totius Europae descriptio / Jodocus Hondius & Petrus Kaerius, Einleitung von Cornelis Koeman, Reprint der Ausgabe Amsterdam 1595, Amsterdam 1967

Literatur[änneren | Quelltext änneren]

  • Ton Croiset van Uchelen: Jodocus Hondius's Theatrum artis scribendi examined anew, in: Quaerendo 34 (2004) S. 53–86
  • Peter van der Krogt (Hrsg.): Koeman's atlantes Neerlandici, Band 1: The folio atlases published by Gerard Mercator, Jodocus Hondius, Henricus Hondius, Johannes Janssonius and their successors, ’t Goy-Houten 1997, ISBN 90-6194-268-3
  • Brian Hooker: New light on Jodocus Hondius' great world Mercator map of 1598, in: The geographical journal 159 (1993), S. 45−50
  • Antoine de Smet: Jodocus Hondius, continuateur de Mercator, Bruxelles 1963

Um Spaweck[änneren | Quelltext änneren]

Commons: Jodocus Hondius – Biller, Videoen oder Audiodateien

Referenzen[Quelltext änneren]

  1. Venezuela with the Southern Part of New Andalusia