Joseph Gredt

Vu Wikipedia
Wiesselen op: Navigatioun, sichen
Joseph Gredt O.S.B.

De Joseph (Auguste)[1] Gredt, gebuer den 30. Juli 1863 an der Stad Lëtzebuerg, a gestuerwen den 29. Januar 1940 zu Roum, war e lëtzebuergesche Geeschtlechen, Philosoph, Theolog an Auteur.

Biographie[änneren | Quelltext änneren]

Den Auguste Gredt (zukënftege Pater Joseph Gredt) war e Jong vum Nicolas Gredt, Sproocheprofesser, Direkter vum Kolléisch an Auteur.

Den Auguste Gredt huet, no senge Studien am Kolléisch, am Seminaire vu Lëtzebuerg Philosophie an Theologie studéiert. 1886 gouf hien zum Priister geweit. Duerno goung hien op Roum, wou en am Collegium Divi Thomae säin Doktorat an der Theologie gemaach huet. No engem kuerzen Opënthalt op der Universitéit vun Innsbruck, ass en an de Stëft Seckau, an der Steiermark, agetratt, fir Benediktiner-Mönch ze ginn. Hien huet seng Profess den 18. Mai 1891 ofgeluecht an huet sech vun do un Pater Joseph genannt. Geschwë krut hien d'Aufgab, seng jonk Kollegen mat der thomistescher Philosophie vertraut ze maachen. Vun 1896 un war hien 42 Joer laang Philosophieprofesser um Collegium Anselmianum, der Benediktiner-Héichschoul zu Roum, déi zanter 1934 Pontificio Ateneo Anselmianum genannt gëtt.

Säi Léierbuch iwwer d'aristotelesch-thomistesch Philosophie huet de Pater Joseph Gredt eng grouss Bekanntschaft an der kathoulescher Welt bruecht. Ënner dem Poopst Pius X. gouf hien 1908 als Member an d'Pontifikal Thomasakademie beruff. Seng Wierker, déi an 260 gréisser Bibliothéiken uechter d'Welt ze fanne sinn, hunn zu engem Deel bis haut hire wëssenschaftleche Wäert behalen.

No sengem Dout, den 29. Januar 1940, gouf de Pater Joseph Gredt am réimesche Kierfecht Campo Verano, an der Gruft vu senger Klouschtergemeinschaft, bäigesat.

Gielercher[änneren | Quelltext änneren]

Wierk (Auswiel)[änneren | Quelltext änneren]

  • Elementa philosophiae aristotelico-thomisticae; 2 Bänn; Roum, 1899-1901 (13. verbessert an erweidert Oplo, Barcelona 1961).
  • De cognitione sensuum externorum: inquisitio psychologico-criteriologica zirka realismum criticum et objectivitatem qualitatum sensibilium ; Roum (Desclée), 1913; 98 Säiten.
  • Unsere Aussenwelt: eine Untersuchung über den gegenständlichen Wert der Sinneserkenntnis ; Innsbruck (Tyrolia), 1921; 332 Säiten.
  • Die Lehre von Materie und Form und die Elektronentheorie; in: Divus Thomas - Rivista dello Studio Filosofico Domenicano (F) 1 (Bologna, 1923), Ss. 275-288.
  • Bewegung, Zeit und Raum in der Einstein'schen Relativitätstheorie; in: Divus Thomas (F) 2 (1924), Ss. 432-446.
  • Philosophie der Mechanik; in: Divus Thomas (F) 8 (1930); Ss. 53-59.
  • Die aristotelisch-thomistische Philosophie; 2 Bänn; Freiburg/Breisgau (Herder), 1935.

Literatur[änneren | Quelltext änneren]

  • David Berger, Gredt, Joseph August, in: Biographisch-Bibliographisches Kirchenlexikon; Verlag Traugott Bautz; Band XXI (Nordhausen, 2003), Kolonne 538 bis 540. [3] [4]
  • David Berger, Auf gesicherter Grundlage des Thomismus - Vor 140 Jahren geboren: Der Philosoph Joseph Gredt; in: Die Tagespost - Katholische Zeitung für Politik, Gesellschaft und Kultur (Würzburg); Ausgab vum 17. Juli 2003.
  • Bodo Bost, Wissenschaftler Gottes Joseph Gredt ; in: Luxemburger Wort , Ausgab vum 3. August 2013, S. 14 (mat enger Photo, mä ouni bibliographesch Angaben).
  • Pius Engelbert OSB, Sant'Anselmo in Rom: Kolleg und Hochschule - Von den Anfängen (1888) bis zur Gegenwart; 2. Oplo, EOS Verlag, St Ottilien, 2012; 294 S. (ill.); ISBN 978-3-8306-7532-7. - Wat de P. Joseph Gredt ubelaangt, vgl. d'Säiten 132-136 (ill.)!
  • Festschrift Joseph Gredt, Studia Anselmiana 1938, VII-VIII.
  • Romain Hilgert, Ein großer Sohn der Heimat - Heidegger liest Joseph Gredt. d'Lëtzebuerger Land, Nr. 35, 30. August 2013, S. 14 (ill.).
  • Edouard M. Kayser, Le Père Joseph (Auguste) Gredt (1863-1940), un « learned Benedictine philosopher-scientist » ; in: nos cahiers, Nr. 1 / (Mee) 2013; Ss. 93-104 (ill., Bibliogr.).
  • J.B. Müller, P. Joseph Gredt O.S.B. : In piam memoriam; in: Luxemburger Wort 1940, Nr. 36 (5. Februar), S. 3. [5]

Um Spaweck[änneren | Quelltext änneren]

Referenzen[änneren | Quelltext änneren]

  1. Hie gouf den 1. August 1863 als Jean-Nicolas-Auguste op dem État civil deklaréiert (L'Union 1863, N° 189 (9 août), S. 4 (État civil: naissances). [1]. — Courrier du Grand-Duché de Luxembourg 1863, N° 189 (11 août), S. 4 (État civil de la ville de Luxembourg: naissances). [2]