Judd mat Gaardebounen
Judd mat Gaardebounen ass en typesch lëtzebuergesche Plat.
[änneren] Wat ass Judd ?
De Judd ass d'Halsstéck vum Schwäin. De Judd ka gesolpert oder/a gereezt ginn, am Ganzen oder als Kotlett vekaaft ginn.
[änneren] Rezept
De gereezte Judd gëtt virum Kache gewässert. Duerno gëtt en eng 2 bis 3 Stonnen an enger Britt gekacht. An déi Britt kommen eng Porrett, 3-4 Wuerzelen, eng Ënn, e bëssen Zelleri, 1 Lorberblat, 1-3 Neelcheskäpp, Peffer an och, wann een et gären huet, e Schotz Rivaner.
Gaardebounen, och Saubounen oder Dullessen genannt, ginn an enger Mielzooss preparéiert. Net vergiessen, an d'Zooss muss onbedingt Bounekräitche kommen.
De Judd gëtt an Tranchë geschnidden a mat den Dullessen zervéiert. Et kënne souwuel gekachte kloer Gromperen ewéi Gegreeftener derbäi zervéiert ginn.
Gutt derbäi schmaacht e Wäi vun der Lëtzebuerger Musel.
[änneren] Um Spaweck
| Commons: Judd mat Gaardebounen – Biller, Videoen oder Audiodateien |
