Kaká

Vu Wikipedia
Wiesselen op: Navigatioun, sichen



Kaká
Spillerinformatiounen
Vollen Numm Ricardo Izecson dos Santos Leite
Gebuertsdag 22. Abrëll 1982
Gebuertsuert BrasíliaBrasilien
Gréisst 184 cm
Positioun offensive Mëttelfeldspiller
Veräiner an der Jugend
1994-2000 São Paulo FC
Veräiner als Aktiven1
Joer Veräin Matcher (Goler)
2001–2003
2003–2009
2009–2013
2013-
São Paulo FC
AC Mailand
Real Madrid
AC Mailand
59 0(23)
193 0(70)
85 0(23)
12 0(6)
Nationalequipe
2002- Brasilien 87 (29)

1 Nëmme Liga-Matcher.
 Stand: 06.1.14.

De Kaká, eigentlech Ricardo Izecson dos Santos Leite gebuer den 22. Abrëll 1982 zu Brasília, Brasilien, ass e brasilianesche Foussballspiller. E spillt zënter 2013 als offensive Mëttelfeldspiller beim AC Mailand an der éischter italienescher Liga, der Serie A.

Säi Liewen[änneren | Quelltext änneren]

De Kaká ass den eelste Jong vum Rodrigo Izecson Dos Santos Leite. Hien ass den 23. Dezember 2005 mat der Caroline Celico an enger evangelescher Kierch zu Sao Paulo bestuet ginn.

Seng Carrière[änneren | Quelltext änneren]

Am Alter vun 19 Joer (2001) huet dem Kaká seng Carrière beim FC São Paulo ugefaangen, wou hie während zwou Saisone bei 49 Spiller 22 Goler geschoss huet. Hien huet 2003 bei den AC Mailand gewiesselt. Dëse Wiessel huet 8,5 Milliounen Euro kascht. Hien huet an den nächsten 30 Spiller 10 Goler geschoss a krut sou seng Plaz hanner dem Andriy Shevchenko. Hien huet mam AC Mailand déi zweet Plaz an der Serie A, zweemol déi 2. Plaz an der UEFA Champions League an déi éischt Plaz am Europäesche Supercup gewonnen.

Am Summer 2009 waren e puer Foussballklibb um Kaká intresséiert. Manchester City war bereet bis zu 130 Mio. Euro un den AC Mailand ze bezuelen. Schlussendlech ass e fir 65 Mio. Euro bei Real Madrid gewiesselt.

Am Summer 2013 ass hien zéreck op den AC Mailand gewieselt. An der Partie géint Atalanta Bergamo, den 6.Januar 2014 huét hien säin 100. Gol fir d' Rossonerien geschoss.

De Kaká huet mat der brasilianescher Foussballnationalequipe un der Foussball-Weltmeeschterschaft 2002,dem Konfederatiouns-Pokal 2005 an der Foussball-Weltmeeschterschaft 2006 deelgeholl.

Hie war an senger Glanzzäit ee vun de beschte brasilianesche Foussballspiller.

Kuckt och[änneren | Quelltext änneren]

Commons: Ricardo Izecson dos Santos Leite (Kaká) – Biller, Videoen oder Audiodateien