Kap Hoorn

Vu Wikipedia
Dëse Geographiesartikel iwwer Südamerika ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

De Kap Hoorn, op Spuenesch: Cabo de Hornos, gëtt allgemeng als südlechste Punkt vu Südamerika ugesinn. En trennt den Atlantik vum Pazifik.

De Kap Hoorn vum Mier aus gesinn

De Kap Hoorn läit op der Fielseninsel Isla Hornos, déi zu Chile gehéiert, bannent dem Feierland-Archipel. Et ass also net de südlechste Punkt vum südamerikanesche Festland. Dat ass d'Hallefinsel Bunswick eppes iwwer 250 Kilometer méi nërdlech. Déi Inselen, déi nach ongeféier 100 Kilometer méi südlech leie sinn d'Diego Ramirez-Inselen, déi och zu Chile gehéieren.

Deen éischten, dee ronderëm de Kap Hoorn geseegelt ass, war den 29. Januar 1616 den hollännesche Séifuerer Willem Cornelis Schouten. Hie war op der Sich no enger neier Passage fir an de Pazifik, well déi Hollännesch Ostindien-Kompanie d'Magellanstrooss fir friem Schëffer gespaart hat. De Schoutens huet déi neientdeckt Mieresstrooss no sengem Gebuertuert, Hoorn an Nordholland, genannt.

Um Spaweck[änneren | Quelltext änneren]

Commons: Kap Hoorn – Biller, Videoen oder Audiodateien