Kardinol Sin

Vu Wikipedia
Wiesselen op: Navigatioun, sichen
ChristianitySymbol.PNG Dësen Artikel iwwer de Chrëschtentum ass eréischt just eng Skizz. Wann Dir méi iwwer dëst Thema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir Hëllef braucht beim Schreiwen, da luusst bis an d'FAQ eran.
De Wope vum Kardinol Sin
De Kardinol Jaime Sin

De Kardinol Jaime Sin, * 31. August 1928, † 21. Juni 2005, war e philippinnesche réimesch-kathoulesche Kardinol, deen net nëmme fir seng grouss Religiositéit bekannt war, mä deen och e grousse politeschen Afloss a sengem Land ausgeübt huet.

Hien hat e chinesechen Papp a gouf als dat 7. vu 16 Kanner gebuer. Hie war Äerzbëschof vu Manila a krut vum Poopst Paul VI. de Kardinols-Hutt. Gläichzäiteg war hien de Primus vun de philippinesche Bëscheef. Hie war den 1. Äerzbëschof, deen am Land selwer gebuer war. Virun him waren et spuenesch, amerikanesch oder iresch Bëscheef, déi op de Philippinnen Bëschofsfunktiounen ausgeübt hunn.

De Kardinol Sin war ee vun den zwéi Kardineel, déi aus Krankheetsgrënn net mméi konnt um Konclav bei der Wiel vum Benoît XVI. zum Poopst dobäi sinn. Geschwënn drop, den 21. Juni 2005, ass hien duerch Niereversoe gestuerwen, grad wéi de Poopst Jean-Paul II.

Säin Afloss op d'Politik[änneren | Quelltext änneren]

De Kardinol Sin huet ni seng Iwwerzeegung verheemlecht, datt d'Kierch e politeschen Afloss misst ausüben. Hie war äusserst kritesch géintiwwer dem President Ferdinand Marcos a senger Fra, der First Lady Imelda Marcos. Hien huet d'Gewalt, déi de Marcos ausgeübt huet, verdaamt, grad wéi d'Korruptioun an d'ondemokratescht Virgoe vum Marcos-Regime. Hien huet vill dozou bäigedroen, datt déi spéider Presidenten, d'Corazón Aquino an de Fidel Ramos un d'Rudder komm sinn, am Kader vun enger Campagne fir dem Vollek seng Rechter zréckzeginn, e Mouvement, dee vum Kardinol Sin voll ënnerstëtzt gouf. Och ënner de Presidenten, déi duerno komm sinn, huet de Kardinol Sin säi Kampf géint d'Korruptioun net opginn. Vun de Philippiner ass de Kardinol Sin ëmmer gewëssermoosen als en Nationalheld an Idol gefeiert ginn, besonnesch och well d'Bekämpfung vun der Aarmut am Vierdergrond vu senge Bestriewunge stoung.

Seng Publikatiounen[änneren | Quelltext änneren]

  • The Revolution of Love, 1972
  • The Church Above Political Systems, 1973
  • A Song of Salvation, 1974
  • Unity in Diversity, 1974
  • The Future of Catholicism in Asia, 1978
  • Christian Basis of Human Rights, 1978
  • Separation, Not Isolation, 1978
  • Slaughter of the Innocents, 1979

Um Spaweck[änneren | Quelltext änneren]

Commons: Kardinol Sin – Biller, Videoen oder Audiodateien

The political legacy of Cardinal Sin: Een Artikel vum Philip Bowring